جاڭالىقتار
تەرگەۋ يزولياتورىنداعى كۇدىكتىلەردەن پارا العان پوليتسەيلەر سوتتالدى
استانا قالاسىنىڭ پوليتسيا دەپارتامەنتىنىڭ ۋاقىتشا ۇستاۋ يزولياتورىنىڭ قىزمەتكەرى 2023 جىلعى قاراشا مەن 2024 جىلعى ءساۋىر ارالىعىندا ۇستالىپ, يزولياتوردا وتىرعان, تەرگەۋدەگى 26 ادامعا ۇيالى تەلەفوندى پايدالانۋ قۇقىعىن زاڭسىز بەرگەنى ءۇشىن جالپى سوماسى 1,9 ملن تەڭگەدەن استام پارا العان, دەپ حابارلايدى Qandastar.kz اقپارات پورتالى.
سوتتا ول ءوز كىناسىن مويىنداپ, ەڭ از مولشەردە ايىپپۇل تاعايىنداۋدى سۇراعان.
پارا بەردى دەپ ايىپتالعان 24 سوتتالۋشىعا قاتىستى قورعاۋشى ولاردىڭ وكىنۋىنە بايلانىستى قىلمىستىق ءىستى توقتاتۋدى سۇرادى.
سوت پوليتسيا قىزمەتكەرىن كىنالى دەپ تانىپ, مەملەكەتتىك قىزمەت قىزمەت اتقارۋ قۇقىعىنان ءومىر بويىنا ايىرا وتىرىپ, 7 جىل مەرزىمگە باس بوستاندىعىنان ايىردى.
تاعى ەكى قىزمەتكەر كىنالى دەپ تانىلىپ, مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلىپ, 3 جىل مەرزىمگە باس بوستاندىعىنان ايىرىلدى.
ءبىر قىزمەتكەرگە مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ, 15 ەسە پارا مولشەرىندە ايىپپۇل تۇرىندەگى جازا تاعايىندالدى.
23 سوتتالۋشىعا قاتىستى قىلمىستىق ءىس وكىنۋگە بايلانىستى توقتاتىلدى, ويتكەنى ولار تەرگەۋ كەزىندە جاقىن تۋىستارىمەن بايلانىس مۇمكىندىگىن ورناتۋ ءۇشىن ۇيالى تەلەفوندى پايدالانۋعا قاتىستى پارا بەرۋگە ءماجبۇر بولعان.
