Tergeý ızolıatoryndaǵy kúdiktilerden para alǵan polıeıler sottaldy

Astana qalasynyń Polıııa departamentiniń ýaqytsha ustaý ızolıatorynyń qyzmetkeri 2023 jylǵy qarasha men 2024 jylǵy sáýir aralyǵynda ustalyp, ızolıatorda otyrǵan, tergeýdegi 26 adamǵa uıaly telefondy paıdalaný quqyǵyn zańsyz bergeni úshin jalpy somasy 1,9 mln teńgeden astam para alǵan, dep habarlaıdy Qandastar.kz aqparat portaly.

Sotta ol óz kinásin moıyndap, eń az mólsherde aıyppul taǵaıyndaýdy suraǵan.

Para berdi dep aıyptalǵan 24 sottalýshyǵa qatysty qorǵaýshy olardyń ókinýine baılanysty qylmystyq isti toqtatýdy surady.

Sot polıııa qyzmetkerin kináli dep tanyp, memlekettik qyzmet qyzmet atqarý quqyǵynan ómir boıyna aıyra otyryp, 7 jyl merzimge bas bostandyǵynan aıyrdy.

Taǵy eki qyzmetker kináli dep tanylyp, memlekettik qyzmette qyzmet atqarý quqyǵynan ómir boıyna aıyrylyp, 3 jyl merzimge bas bostandyǵynan aıyryldy.

Bir qyzmetkerge  memlekettik qyzmette qyzmet atqarý quqyǵynan ómir boıyna aıyra otyryp, 15 ese para mólsherinde aıyppul túrindegi jaza taǵaıyndaldy.

23 sottalýshyǵa qatysty qylmystyq is ókinýge baılanysty toqtatyldy, óıtkeni olar tergeý kezinde jaqyn týystarymen baılanys múmkindigin ornatý úshin uıaly telefondy paıdalanýǵa qatysty para berýge májbúr bolǵan.