تەرگەۋ جۇرۋدە: شقو-دا مەكتەپ وقۋشىسى مىسىقتى بولشەكتەپ, ونى ۆيدەوعا تۇسىرگەن

فوتو: bangkokbook.ru

شىعىس قازاقستان وبلىسىندا كامەلەتكە تولماعان قىزدىڭ ءولى مىسىقتى قورلاپ, ونى ۆيدەوعا ءتۇسىرىپ, الەۋمەتتىك جەلىگە جۇكتەگەنى قوعامدا ۇلكەن رەزونانس تۋدىردى. جەلى قولدانۋشىلارى ونى قاتاڭ جازالاۋدى تالاپ ەتتى, دەپ حابارلايدى Skifnews.kz اقپارات پورتالى.

ءجاسوسپىرىم تۇسىرگەن بەينەجازبالار ءالسىز جۇرەكتى ادامدارعا ارنالماعانى انىق. مۇنداي كونتەنتتى بالالارعا, جۇكتى ايەلدەرگە جانە پسيحيكاسى ءالسىز جاندارعا كورۋگە مۇلدە بولمايدى. ءتىپتى كادرداعى وقيعانى سيپاتتاۋدىڭ ءوزى قيىن.

بولجام بويىنشا, ۆيدەو اۆتورى 17 جاستاعى قىز, ريددەر قالاسىندا تۇرعان. كادردا ول بەيادەپ سوزدەر ايتىپ, ك ۇلىپ, مارقۇم مىسىقتىڭ سالماعى مەن تولىقتىعى جايلى ايتىپ وتىرادى.

«قازىر ونى ەرىتىپ الامىن, سودان سوڭ بولشەكتەپ جاتقان ءساتىمدى سۋرەتكە ءتۇسىرىپ, تاراتاتىن شىعارمىن», – دەدى ۆيدەو اۆتورى.

جەلى قولدانۋشىلارى ءبىراۋىزدان بۇل جايتتى مۇقيات تەكسەرىپ, كىنالى ادامعا قاتاڭ شارا قولدانۋدى تالاپ ەتىپ وتىر
شىعىس قازاقستان پوليتسيا دەپارتامەنتى بۇل وقيعاعا قاتىستى پىكىر ءبىلدىردى.

«اتالعان فاكتى بويىنشا 17 جاستاعى ءجاسوسپىرىم انىقتالدى. ول اتا-اناسىمەن بىرگە پوليتسياعا جەتكىزىلدى. قازىر تەكسەرۋ جۇمىستارى جۇرگىزىلىپ جاتىر. جاسوسپىرىممەن جانە ونىڭ زاڭدى وكىلدەرىمەن پروفيلاكتيكالىق اڭگىمە وتكىزىلدى, قولدانىستاعى زاڭناما تالاپتارى مەن زاڭعا قايشى ارەكەتتەر ءۇشىن تۋىنداۋى مۇمكىن جاۋاپكەرشىلىك تۋرالى ءتۇسىندىرىلدى», – دەپ حابارلادى پوليتسيا دەپارتامەنتىنىڭ ءباسپاسوز قىزمەتى.

ماتەريال جاسوسپىرىمدەردىڭ قۇقىقتارىن قورعاۋ جونىندەگى كوميسسياعا جولداندى. وندا ءتيىستى شارالار قابىلدانادى. پوليتسيا قىزدى ىزدەۋگە ءبىر تاۋلىككە جۋىق ۋاقىت جۇمساعان. ويتكەنى ول وتباسى مۇشەلەرىمەن بىرگە ريددەردەن باسقا جاققا كوشىپ كەتكەن.