«Tergeýge áser etken joqpyn»: Senat depýtaty atyshýly Hasannyń aǵasy bolyp shyqty

Foto: Massaget.kz

Almaty oblysynan saılanǵan senat depýtaty Muhtar Jórgenbaev jaqynda qamaýǵa alynǵan Hasan Qasymbaevpen týys ekenin rastady, dep habarlaıdy qandastar.kz

Buǵan deıin BAQ betterinde depýtat Qasymbaevtyń týysy degen aqparat taraǵan bolatyn.

«Iá, men áleýmettik jelidegi jazbalardy kórdim. Ol aqparatqa sensek men Qasymbaevtarǵa qatysty Talǵarda bolǵan jaǵdaıǵa áser etippin.

Aslan Qasymbaevtyń qyzmetine qatysty eshkimge eshqandaı ótinish aıtpaǵanymdy resmı túrde málimdeımin. Onyń ústine Hasan Qasymbaevqa qatysty júrip jatqan tergeýge de eshqandaı áser etken joqpyn», – deıdi Jórgenbaev.

Skifnews.kz aqparat agenttiginde jazylǵandaı,  depýtat Qasymbaevpen alys týys ekenin aıtty.

«Týys ekenimizge qatysty: ıá, ol meniń alys týysym ekenin rastaımyn. Qazaqta týys kóp qoı. Biraq únemi baılanysta júrdik dep aıta almaımyn. Ary ketse toılarda nemese týystar jınalyp qalatyn jerleý sııaqty rásimderde kezdesip qalatynbyz», deıdi depýtat.