Bilim
«Terpılasyńdar»: mektep dırektory muǵalimderin uzaq jyldar boıy qara jumysqa jekken
Foto:skrın
Ustazdar bilim berý isimen aınalysýdyń ornyna, uzaq jyldar boıy qara jumysqa jegilgenderin aıtyp, janaıqaıyn jetkizdi. Mektep dırektorynyń pármenimen olar mektep aýlasyn tazalap, sportzal men kabınetterdi jóndeýden bastap, basshynyń jeke sharýashylyǵyna kómektesýge deıin májbúr bolǵan, dep habarlaıdy Qandastar.kz Ulysmedia.kz-ke silteme jasap.
“31 arna” aqparatynsha qoldaryna tyrma ustaǵan ustazdar uzaq jyldar boıy qara jumysqa jegilderin jetkizgen. Mektep dırektornyyń pármenimen aýladaǵy shópti jınap sportzal men kabınetterge jóndeý júrgizgen. Eń soraqysy basshylarynń qystaǵyna baryp qúdyq qazyp saraı men monsha salǵan.
“Men endi mekteptiń sportzalyn istedim, plastık terezelerin istedim, akt zalǵa remont jasadyq. Jalǵyz men emes uldardyń bári istedi. Úıiniń, qystaǵynyń jumysyn istedik” – deıdi Ernar Nurǵazın esimdi mektep muǵalimi.
Ol azdaı qıt etse aqsha jınap muǵalimderdi mezi qylǵan. Buǵan shydamaǵan jalpy sany 19 muǵalim dırektordyń atyna aryz túsirgen. Nátıjesinde Abaı atyndaǵy mekteptiń dırektory qyzmetinen bosatylyp ınformatıka pániniń muǵalimi ǵana bolyp qalǵan. Qazir ol ústinen shaǵymdanǵan muǵalimderge qysym jasap qoqań-loqqy kórsetip júr deıdi muǵalimder.
“Bizge qysym kórsetip jatyr. Qaǵyp-soǵyp, qoqań-loqqy jasap. “Jazǵyshbekter” dep” – deıdi Nurjan Saǵadıev esimdi muǵalim.
Al bilim oshaǵynyń burynǵy basshysy bunyń bárin joqqa shyǵaryp ózine shań jýytpaıdy.
“Kezinde kómek retinde kúıeý balam, inilerim barǵanym ras. Maǵan aryz jazǵandardyń ishinde kúıeý balam da júr. Terpıla dep aıtqanym ras bolýy múmkin. О́ıtkeni meni jazǵannan keıin olar terpıla. Biraq boqtaǵan joqpyn” – deıdi mekteptiń burynǵy dırektory Rollan Tileýhanov.
Al muǵalimder ar-namysymyzdy taptaǵan adam tıisti jazasyn alsyn dep otyr.
