تيبەتتە جەر سىلكىنىسى بولىپ, ادامدار قازا تاپتى

سينحۋا اگەنتتىگىنىڭ مالىمەتى بويىنشا, تاعى 62 ادام زارداپ شەكتى.

بۇعان دەيىن قىتايدىڭ ورتالىق تەلەديدارى توعىز ادامنىڭ قازا تاپقانىن حابارلاعان. تابيعي اپاتتان كوپتەگەن عيماراتتار قيرادى. بيلىك ىزدەۋ-قۇتقارۋ جۇمىستارىن ۇيىمداستىردى. اپات ايماعىندا حالىقتى ەۆاكۋاتسيالاۋ باستالدى.

جەر سىلكىنىسى جەرگىلىكتى ۋاقىت بويىنشا 9:05-تە (استانا ۋاقىتى بويىنشا 6:05-تە) تىركەلدى. اقش گەولوگيالىق قىزمەتىنىڭ مالىمەتىنشە, جەر سىلكىنىسىنىڭ ماگنيتۋداسى 7,1 باللدى قۇرادى. قىتايدىڭ سەيسميكالىق ورتالىعى جەر تەربەلىسى ماگنيتۋداسىن 6,8 دەپ باعالادى. ءزىلزالا ەپيتسەنترى تيبەتتىڭ حالىق ەڭ كوپ قونىستانعان ەكىنشى قالا — شيگادزەدەن 163 شاقىرىم قاشىقتىقتا بولدى. ءزىلزالا وشاعى 10 شاقىرىم تەرەڭدىكتە ورنالاسقان.

دينجي وكرۋگىنىڭ تۇرعىندارى قاتتى جەر سىلكىنىستەرىن سەزىندى. سالدارىنان كوپتەگەن عيماراتتار قۇلادى. جەر استى دۇمپۋلەرى نەپالدا, ءۇندىستاندا, بۋتاندا جانە بانگلادەشتە دە سەزىلدى.