Tıbette jer silkinisi bolyp, adamdar qaza tapty

Sınhýa agenttiginiń málimeti boıynsha, taǵy 62 adam zardap shekti.

Buǵan deıin Qytaıdyń ortalyq teledıdary toǵyz adamnyń qaza tapqanyn habarlaǵan. Tabıǵı apattan kóptegen ǵımarattar qırady. Bılik izdeý-qutqarý jumystaryn uıymdastyrdy. Apat aımaǵynda halyqty evakýaııalaý bastaldy.

Jer silkinisi jergilikti ýaqyt boıynsha 9:05-te (Astana ýaqyty boıynsha 6:05-te) tirkeldi. AQSh geologııalyq qyzmetiniń málimetinshe, jer silkinisiniń magnıtýdasy 7,1 balldy qurady. Qytaıdyń seısmıkalyq ortalyǵy jer terbelisi magnıtýdasyn 6,8 dep baǵalady. Zilzala epıentri Tıbettiń halyq eń kóp qonystanǵan ekinshi qala — Shıgadzeden 163 shaqyrym qashyqtyqta boldy. Zilzala oshaǵy 10 shaqyrym tereńdikte ornalasqan.

Dınjı okrýginiń turǵyndary qatty jer silkinisterin sezindi. Saldarynan kóptegen ǵımarattar qulady. Jer asty dúmpýleri Nepalda, Úndistanda, Býtanda jáne Bangladeshte de sezildi.