TikTok AQSh aýmaǵynda qaıta jumys isteı bastady

Foto:kz.kursiv.media

TikTok áleýmettik jelisi AQSh-ta 170 mıllıon paıdalanýshysyna qyzmet kórsetýdi qaıta jandandyrdy. Bul sheshim saılanǵan prezıdent Donald Tramptyń qosymshany buǵattaý merzimin keıinge qaldyratynyn málimdegennen keıin qabyldandy, dep jazdy qandastar.kz

Prezıdent Tramp óziniń qyzmetine kiriskennen keıin 90 kúndik ýaqytsha merzim beretinin jáne bul týraly arnaıy málimdeme jasaıtynyn aıtty.

2024 jyldyń sáýirinde AQSh Kongresi qytaılyq ByteDance kompanııasyn platformany amerıkalyq kompanııaǵa satýǵa mindetteıtin zań qabyldady. Bul talap oryndalmaı, 2025 jyldyń 19 qańtarynan bastap áleýmettik jelige tyıym salynǵan edi.

ByteDance platformany satýdan bas tartyp, jelini jabýdyń aldynda turdy. 19 qańtar jeksenbi kúni qosymsha amerıkalyq paıdalanýshylar úshin jumysyn toqtatty.

kz.kursiv.media habarlaǵandaı, qosymshany ashýǵa tyrysqan paıdalanýshylarǵa TikTok-tyń qoljetimsizdigi týraly habarlamalar keldi. Alaıda keıin TikTok óz málimdemesinde servısti qaıta qalpyna keltirý proesiniń júrip jatqanyn habarlady. Kompanııa saılanǵan prezıdent Trampqa «qajetti aıqyndyq pen senim úshin» alǵysyn bildirip, TikTok-tyń AQSh-ta uzaq merzimdi jumys isteýin qamtamasyz etý úshin onymen birlesip jumys jasaıtynyn aıtty.

Bul málimdemeden keıin TikTok qosymshasy ártúrli platformalarda qaıtadan qoljetimdi boldy.