جاڭالىقتار
TikTok ارقىلى قۇمار ويىن ۇيىمداستىرعاندار 10 ملن تەڭگە تاپقان
قارجىلىق مونيتورينگ اگەنتتىگى الماتىدا TikTok الەۋمەتتىك جەلىسى ارقىلى ونلاين-قۇمار ويىنداردى ۇيىمداستىرعان ەكى تۇرعىنعا قاتىستى سوتقا دەيىنگى تەرگەپ-تەكسەرۋ ءىسىن اياقتادى, دەپ حابارلايدى Qandastar.kz اقپارات پورتالى.
تەرگەۋ بارىسىندا كۇدىكتىلەردىڭ تۇراقتى تۇردە تىكەلەي ەفير وتكىزىپ, قۇمار ويىن ۇيىمداستىرعانى انىقتالدى.
ازاماتتار ويىنعا قاتىسۋ ءۇشىن اقشا قاراجاتىن بانكتىك قوسىمشالار ارقىلى ۇيىمداستىرۋشىلاردىڭ شوتتارىنا اۋدارىپ وتىرعان. جينالعان زاڭسىز تابىس كولەمى 10,5 ميلليون تەڭگەنى قۇرادى.
سوت ۇكىمىمەن ەكەۋى دە زاڭسىز ويىن بيزنەسىن ۇيىمداستىرعانى ءۇشىن كىنالى دەپ تانىلدى.
بىرىنە 1 جىل 6 اي مەرزىمگە باس بوستاندىعىنان ايىرۋ جازاسى تاعايىندالسا, ەكىنشىسى 2 جىل 6 ايعا بوستاندىعىن شەكتەۋ تۇرىندەگى جازاعا تارتىلدى.
ايتا كەتۋ كەرەك, TikTok-تاعى ويىنداردىڭ نەگىزگى اۋديتورياسىن جاستار قۇراعان.
