جاڭالىقتار
TikTok ارقىلى تانىلعان سارباز پرەزيدەنتتىك پولككە اۋىستىرىلدى
كوللاج: Sn.kz
TikTok جەلىسىندەگى ۆيدەوسى 7 ميلليون قارالىم جيناعان مەرزىمدى اسكەري قىزمەتشى الەكساندر زەمليانكين مەملەكەتتىك كۇزەت قىزمەتىنە اۋىستى, دەپ حابارلايدى Skifnews.kz اقپارات پورتالى.
بۇدان ءبىراز ۋاقىت بۇرىن TikTok جەلىسىندەگى «Army_aktau» اككاۋنتىندا ساربازدىڭ انت بەرگەن ۆيدەوسى جاريالانعان. الگى ۆيدەو بۇگىنگە دەيىن 7,5 ميلليوننان استام قارالعان جانە ونىڭ استىنا 17 مىڭنان استام پىكىر جازىلعان.
ۆيدەودا سارباز تۋىستارىنىڭ ەشقايسىسى انت بەرۋگە كەلمەگەنىن ايتقان. جاس جىگىتتىڭ ەموتسياسى جەلى قولدانۋشىلارىنىڭ ەموتسياسىن تۋدىردى. بەينەجازبانىڭ استىنا 17 مىڭنان استام پىكىر قالدىرعان. كەيىنىرەك Lada.kz سايتى ۆيدەونىڭ اۆتورى اقتاۋ گارنيزونى ءباسپاسوز قىزمەتىنىڭ باسشىسى, مايور نۇربول شالاباەۆ ەكەنىن جازدى. 1 ماۋسىمدا الەكساندر اۋە قورعانىسى بريگاداسىنىڭ 51809 اسكەري بولىمىندە انت قابىلدادى.
ال قر مەملەكەتتىك كۇزەت قىزمەتى 10 شىلدەدە الەكساندردىڭ «ايبىن» پرەزيدەنتتىك پولكىنە اۋىستىرىلعانىن حابارلادى.
«قازاقستان رەسپۋبليكاسى قورعانىس مينيسترلىگى 51809 اسكەري ءبولىمىنىڭ مەرزىمدى اسكەري قىزمەتشىسى, قاتارداعى جاۋىنگەر قر مكق ايرىقشا ماقساتتاعى كۇشتەرىنىڭ «ايبىن» پرەزيدەنتتىك پولكىنە اۋىستىرىلدى», – دەلىنگەن حابارلامادا.
