TikTok arqyly tanylǵan sarbaz prezıdenttik polkke aýystyryldy

Kollaj: Sn.kz

TikTok jelisindegi vıdeosy 7 mıllıon qaralym jınaǵan merzimdi áskerı qyzmetshi Aleksandr Zemlıankın Memlekettik kúzet qyzmetine aýysty, dep habarlaıdy Skifnews.kz aqparat portaly.

Budan biraz ýaqyt buryn TikTok jelisindegi «Army_aktau» akkaýntynda sarbazdyń ant bergen vıdeosy jarııalanǵan. Álgi vıdeo búginge deıin 7,5 mıllıonnan astam qaralǵan jáne onyń astyna 17 myńnan astam pikir jazylǵan.

Vıdeoda sarbaz týystarynyń eshqaısysy ant berýge kelmegenin aıtqan. Jas jigittiń emoııasy jeli qoldanýshylarynyń emoııasyn týdyrdy. Beınejazbanyń astyna 17 myńnan astam pikir qaldyrǵan. Keıinirek Lada.kz saıty vıdeonyń avtory Aqtaý garnızony baspasóz qyzmetiniń basshysy, maıor Nurbol Shalabaev ekenin jazdy. 1 maýsymda Aleksandr áýe qorǵanysy brıgadasynyń 51809 áskerı bóliminde ant qabyldady.

Al QR Memlekettik kúzet qyzmeti  10 shildede Aleksandrdyń «Aıbyn» prezıdenttik polkine aýystyrylǵanyn habarlady.

«Qazaqstan Respýblıkasy Qorǵanys mınıstrligi 51809 áskerı bóliminiń merzimdi áskerı qyzmetshisi, qatardaǵy jaýynger QR MKQ Aıryqsha maqsattaǵy kúshteriniń «Aıbyn» prezıdenttik polkine aýystyryldy», – delingen habarlamada.