TikTok-ta rýlardy jarystyratyndar kóbeıdi: bul zańdy ma

Kollaj: ulysmedia.kz.

TikTok áleýmettik jelisinde qazaqtyń rýlaryn tizip jazyp, jarys ótkizetinder kóbeıdi, dep jazady Ulysmedia.kz.

Rýlardy qalaı jarystyrady

Atalǵan áleýmettik jelide bir emes, birneshe qoldanýshy rýlar jarysyn ótkizip, tabys taýyp otyr. Oıyn erejesi ońaı: rýlardyń tizimi keltiriledi. Kim rýynyń atyn jazyp, Kaspıı bank nómirine aqsha jiberse, sol rýdyń esimin joǵary qoıady. Pikir qaldyratyn jerde adamdar keıde bir-birimen eregesip, daýlasyp otyrady.

Bul zańmen qýdalanýy múmkin be

Ulysmedia.kz tilshisi “bul zańmen qýdalanýy múmkin be? Eldegi traıbalızmdi kúsheıter kórinisi bar ma?” degen suraqqa jaýap izdep zańgerlerge qońyraý shalyp kórgen.

Advokat Aıjan Dáribaeva bul jaǵdaıdan zańǵa qaıshy áreket kórmeıdi.

– Moraldyq turǵyda baǵa bermeı-aq qoıaıyn, alaıda zańdy turǵyda jaýapkershilikke tartý múmkin emes dep oılaımyn, óıtkeni azamattar óz erkimen aqshasyn jiberip jatyr, – deıdi zańger.

Degenmen, buǵan balama pikir bar. Taǵy bir zańger aqshany tek kommerııalyq emes uıymdar qaıyrymdylyq maqsatpen jınaı alatynyn eskertedi.

Memorgandarǵa saýal

Mádenıet jáne aqparat mınıstrligi bul áreketterge qalaı baǵa beredi? Mınıstrliktiń ıdeologııalyq jumysyna jaýapty bólimi tarapynan quzyrly organdarǵa osy jaıttar jóninde qandaı da bir usynym, ótinimder jasala ma? Ishki ister mınıstrligi joǵaryda atalǵan áreket zańǵa qaıshy árekett dep esepteı me?

Osy saýaldardy Ulysmedia.kz jaýapty organdarǵa joldady. Jaýap kelgende birden jarııalanady.