الەۋمەت جانە قوعام
TikTok-تاعى شۋ: جەلى قولدانۋشىسى «جايدارمانداعى» ديسكريميناتسياعا اشۋلاندى
فوتو:
TikTok الەۋمەتتىك جەلىسىندە تاراعان ۆيدەودا ورامال تاققان قىز ءوزىنىڭ «جايدارمان» ۇلتتىق ليگاسىنىڭ تۇسىرىلىمىندە ءبىرىنشى قاتارعا وتىرۋىنا تىيىم سالىنعانىن ايتىپ, ديسكريميناتسياعا ۇشىراعانىن مالىمدەدى, دەپ حابارلايدى Skifnews.kz اقپارات پورتالى.
«ورامالمەن ءبىرىنشى قاتاردا وتىرۋعا بولمايدى» – وپەراتورلار ءۋاجى
اۆتوردىڭ ايتۋىنشا, ول ارنايى تورەشىلەردىڭ ارتىنداعى ءبىرىنشى قاتارعا بيلەت الىپ, الدىن الا كەلىپ ورنىنا وتىرعان. الايدا بىرنەشە وپەراتور كەلىپ, ءوز ورنىن بوساتۋدى سۇراعان. سەبەبى رەتىندە قىزىل ءتۇستى ورامالدىڭ «تەلەەفيرگە جارامسىزدىعى» جانە «باسشىلىقتىڭ تاپسىرماسى» ايتىلعان.
باستالۋعا از قالدى, تورەشىلەر كەلە جاتىر. ءوتىنىش, باسقا ورىنعا وتسەڭىز.
– بۇل ورامال ءۇشىن بە?
– ءيا. ءبىرىنشى قاتاردا ورامالمەن وتىرۋعا بولمايدى. بىزگە سولاي تاپسىرما بەرىلدى», – دەپ جاۋاپ بەردى وپەراتورلاردىڭ ءبىرى.
شاعىمدانۋشى ءتۇسىرىلىم اياقتالعان سوڭ جاۋاپتى تۇلعا — جاناسىل بولاتبەكپەن سويلەسكەن. ونىڭ ايتۋىنشا, بۇل «تەلەارنالار تالاپتارىنا ساي باسشىلىق شەشىمىمەن جاسالعان» ارەكەت ەكەن.
«بارلىق تەلەارنا تالاپتارى سولاي. جازىلاتىن زاڭدار بار, جازىلمايتىن زاڭدار بار», – دەگەن جاۋاپ العانىن جازادى ورامال تاققان كورەرمەن.
كورەرمەن بۇل ارەكەتتى قۇقىق بۇزۋشىلىق دەپ باعالاپ, «جايدارمان» جوباسىنىڭ جەتەكشىسى ەسەن ەلەۋكەن مەن پروديۋسەر عالىم ماحامبەتوۆتەن تۇسىنىكتەمە بەرۋىن تالاپ ەتتى.
«ورامال تاققان قىزداردىڭ 1-قاتاردا وتىرۋىنا تىيىم سالىنۋى — قانداي زاڭمەن رەتتەلەدى? ەگەر بۇل شارت بولسا, نەگە بيلەت ساتۋدا ەسكەرتىلمەيدى? “1-قاتاردا ورامال تاققان قىزدارعا ورىن بەرىلمەيدى” دەگەن ءتارتىپ قايدا جازىلعان? بۇل ارەكەت — مۇسىلمان ايەلدەردىڭ قۇقىعىن شەكتەۋ», – دەلىنگەن ۇندەۋدە.
اتالعان جاعداي الەۋمەتتىك جەلىدە قىزۋ تالقىلانىپ, قازاقستانداعى ءدىني بەلگىلەر بويىنشا كەمسىتۋ, تەلەارنا تالاپتارىنىڭ زاڭدىلىعى جانە ادام قۇقىقتارىنىڭ ساقتالۋى تۋرالى ماسەلەلەردى قايتا كوتەردى.
