TikTok-taǵy shý: Jeli qoldanýshysy «Jaıdarmandaǵy» dıskrımınaııaǵa ashýlandy

Foto:

TikTok áleýmettik jelisinde taraǵan vıdeoda oramal taqqan qyz óziniń «Jaıdarman» Ulttyq lıgasynyń túsiriliminde birinshi qatarǵa otyrýyna tyıym salynǵanyn aıtyp, dıskrımınaııaǵa ushyraǵanyn málimdedi, dep habarlaıdy Skifnews.kz aqparat portaly. 

«Oramalmen birinshi qatarda otyrýǵa bolmaıdy» – operatorlar ýáji

Avtordyń aıtýynsha, ol arnaıy tóreshilerdiń artyndaǵy birinshi qatarǵa bılet alyp, aldyn ala kelip ornyna otyrǵan. Alaıda birneshe operator kelip, óz ornyn bosatýdy suraǵan. Sebebi retinde qyzyl tústi oramaldyń «teleefırge jaramsyzdyǵy» jáne «basshylyqtyń tapsyrmasy» aıtylǵan.

Bastalýǵa az qaldy, tóreshiler kele jatyr. О́tinish, basqa orynǵa ótseńiz.
– Bul oramal úshin be?
– Iá. Birinshi qatarda oramalmen otyrýǵa bolmaıdy. Bizge solaı tapsyrma berildi», – dep jaýap berdi operatorlardyń biri.

Shaǵymdanýshy túsirilim aıaqtalǵan soń jaýapty tulǵa — Janasyl Bolatbekpen sóılesken. Onyń aıtýynsha, bul «telearnalar talaptaryna saı basshylyq sheshimimen jasalǵan» áreket eken.

«Barlyq telearna talaptary solaı. Jazylatyn zańdar bar, jazylmaıtyn zańdar bar», – degen jaýap alǵanyn jazady oramal taqqan kórermen.

Kórermen bul áreketti quqyq buzýshylyq dep baǵalap, «Jaıdarman» jobasynyń jetekshisi Esen Eleýken men prodıýser Ǵalym Mahambetovten túsinikteme berýin talap etti.

«Oramal taqqan qyzdardyń 1-qatarda otyrýyna tyıym salynýy — qandaı zańmen retteledi? Eger bul shart bolsa, nege bılet satýda eskertilmeıdi? “1-qatarda oramal taqqan qyzdarǵa oryn berilmeıdi” degen tártip qaıda jazylǵan? Bul áreket — musylman áıelderdiń quqyǵyn shekteý», – delingen úndeýde.

Atalǵan jaǵdaı áleýmettik jelide qyzý talqylanyp, Qazaqstandaǵy dinı belgiler boıynsha kemsitý, telearna talaptarynyń zańdylyǵy jáne adam quqyqtarynyń saqtalýy týraly máselelerdi qaıta kóterdi.