Til janashyry Vladıslav Tenniń «Formýla kazahskogo ıazyka» atty kitaby jaryq kórdi

Búgin Qazaqstan halqy Assambleıasynyń arnaıy jobasy – «Memlekettik til – etnosaralyq qatynas tili» aıasynda «Memlekettik til – etnosaralyq qatynas tili: Nátıjeler men jańa mindetter» atty dóńgelek ústel otyrysy ótti.

Senat depýtaty Gennadıı Shıpovskıhtiń málimdeýinshe, byltyr tusaýy kesilgen joba bıyl óz jumysyn bastaǵanyna bir jyl tolýyn atap ótti. Osy aralyqta túrli etnos ókilderi memlekettik tildi úırenýge qyzyǵýshylyq tanytyp, joba el ishinde tildi damytýdaǵy tıimdi alańǵa aınaldy.

Is-shara barysynda jobanyń bir jyldaǵy nátıjeleri saralanyp, aldaǵy kezeńderge arnalǵan jańa mindetter belgilendi. Qatysýshylar memlekettik tildiń etnosaralyq qatynastaǵy orny men mańyzyn tereń talqylady.

Sonymen qatar, dóńgelek ústel aıasynda Vladıslav Ten myrzanyń «Formýla kazahskogo ıazyka» atty kitabynyń tanystyrylymy ótti. Bul eńbek — qazaq tilin úırenýge umtylǵan kópetnosty qoǵam músheleri úshin taptyrmas qural. Avtor qazaq tilin júıeli, ońaı ári tıimdi meńgerýdiń ózindik formýlasyn usynǵan.

Memlekettik til — ortaq túsiniktiń, tatýlyqtyń, ulttyq biregeıliktiń basty dińgegi. Al mundaı jobalar men eńbekter osy baǵyttaǵy qadamymyzdy nyqtaı túsedi.