«تىلەگىن ورىنداۋعا تىرىسايىقشى»: جانىبەك ءوزىن اسىراپ العان مارقۇم بەلگيالىق ايەلدىڭ اماناتىن جاريالادى

بەلگيالىق وتباسى اسىراپ العان جانىبەك اناسىنىڭ سوڭعى وسيەتىن ايتىپ, وقىرماندارىنان كومەك سۇرادى, دەپ حابارلايدى KYN.KZ اقپارات اگەنتتىگى.

بۇل تۋرالى ول الەۋمەتتىك جەلىدەگى پاراقشاسىندا ءبولىستى.

«ەڭ الدىمەن ومىردە جاقىنىنان ايىرىلىپ قالعان ادامداردىڭ بارىنە كوڭىل ايتقىم كەلەدى. ۆالەري 10 شىلدەدە قايتىس بولدى. ءيا, مەنى اسىراپ العان انام تاڭعى 10:30-دا بۇل دۇنيەمەن قوشتاستى. بيىل قاڭتاردا تايلاندتا جۇرگەن كەزىمدە ۆالەري ۇزاق جىلدار بويى ازاپ شەككەننەن كەيىن بىلتىر ەۆتانازياعا جۇگىنگەنىن ايتىپ ەدى. ۆالەري مىقتى ادام رەتىندە ەستە قالدى, ويتكەنى ول باسىنا تۇسكەن قيىندىقپەن جالعىز كۇرەسۋگە ءماجبۇر بولدى. «تۋعان اناڭدى تاپ جانە مىنا ۇلكەن الەمدە جالعىز قالما» دەپ ماعان سوڭعى تىلەگىن ايتىپ كەتتى. ساۋالى كوپ, جاۋابى جوق وقيعادا ونىڭ تىلەگىن ورىنداي الار ما ەكەنبىز? راقمەت, ماما, – دەدى جانىبەك.

وزىنە كوڭىل ايتىپ, وسى ۋاقىتقا دەيىن قولداپ كەلگەن جاندارعا راحمەتىن ايتتى.

«دوستار, قايىرلى كۇن! 10.07.2024. — كوپشىلىك بىلەتىندەي, بۇل مەنىڭ ەڭ جاقىن ادامىم قايتىس بولعان كۇن. ءيا, الەمدەگى جالعىز جاقىن ادام. ۆالەري مەنىڭ تۋعان انام بولماسا دا, ول مەنى ءوز ۇلىنداي جاقسى كوردى جانە مەن ءۇشىن قولىنان كەلگەنىن جاساۋعا تىرىستى. مەنى قولداپ, حات جازىپ, كوڭىل ايتقان جاندارعا راقمەت. مەن سىزدەردى جاقسى كورەمىن, جاقسى ادامدار! ۆالەريدىڭ سوڭعى تىلەگىن ورىنداۋعا تىرىسايىقشى. كەزدەسكەنشە!, – دەپ جازدى.