الەم جاڭالىقتارى
ء«تىرى قالعانىما ءالى سەنبەيمىن»: ءۇندىستاندا ۇشاق اپاتىنان امان قالعان جالعىز ادام جاعدايدى باياندادى
فوتو: DD INDIA
ءۇندىستاندا اۋەجاي ماڭىندا بولعان ۇشاق اپاتىنان امان قالعان جالعىز جولاۋشى ءمان-جايدى ايتىپ بەردى, دەپ جازدى qandastar.kz
بۇل تۋرالى Stan.kz اقپارات اگەنتتىگى BBC باسىلىمىنا سىلتەمە جاساپ حابارلايدى.
ۇلىبريتانيا ازاماتى ۆيشۆاكۋمار رامەش Air 12 ماۋسىمدا India اۋەكومپانياسىنىڭ AI171 رەيسىندە بولعان. احمادابادتان لوندونعا ۇشقان Boeing 787 لاينەرى اۋەگە كوتەرىلگەن سوڭ بىردەن اپاتقا ۇشىراپ, قۇلاعان. 40 جاسار رامەشتىڭ ورىندىعى – 11A, ياعني اپاتتىق ەسىك ماڭىندا وتىرعان. ونىڭ لەستەردە ايەلى مەن ءتورت جاستاعى ۇلى بار ەكەن.
«بەلبەۋىمدى شەشكەن كەيىن, اياعىمدى تىرەك تۇرىپ, ەسىك ارقىلى شىعۋعا تىرىستىم», – دەيدى رامەش.
Air India كومپانياسىنىڭ مالىمەتىنشە بورتتا بولعان 241 ادام (229 جولاۋشى, 12 ەكيپاج مۇشەسى) قازا بولعان. اپات قۇرباندارى, نەگىزىنەن, ءۇندىستان (169) جانە ۇلىبريتانيا ازاماتتارى (52). اپات ورنىنان قازىرگە دەيىن 200-دەن استام ءمايىت تابىلعان. بىراق ولاردىڭ ناقتى جولاۋشىلارعا نەمەسە تۇرعىندارعا تيەسىلى ەكەنى انىقتالماعان. سەبەبى ايە كولىگى مەديتسينالىق قىزمەتكەرلەر مەن ستۋدەنتتەر تۇراتىن جاتاقحاناعا قۇلاعان.
امان قالعان جولاۋشى رامەشتىڭ ايتۋىنشا, ۇشاق كوتەرىلگەن سوڭ شامامەن بىرنەشە سەكۋندتان كەيىن ۇشاق ىشىندە جارىق ءسونىپ, جانىپ تۇرعا.
«5–10 سەكۋند ىشىندە ۇشاق ءبىر قالىپتا تۇرىپ قالعانداي بولدى. جارىق جاسىل-قىزىل تۇسكە اۋىسىپ, سودان كەيىن ۇشاق عيماراتقا سوعىسىپ, جارىلدى», – دەيدى ول.
ۇشاق قۇلاعان ورىن بايرامدجي دجيدجيبحوي اتىنداعى جەرگىلىكتى ازاماتتىق اۋرۋحانانىڭ قىزمەتكەرلەرى مەن وعان قاراستى مەديتسينالىق كوللەدجدىڭ ستۋدەنتتەرى تۇراتىن جاتاقحانا بولعان.
رامەشتىڭ ورىندىعى ۇشاقتىڭ عيماراتقا تيمەي, جەرگە قۇلاعان فيۋزەلياج بولىگىندە ورنالاسقان.
«ليۋك شىققاندا, ونىڭ ارتىندا بوس ورىن بار ەكەنىن كوردىم. مەن سول جەردەن ءوتتىم. فيۋزەلياجدىڭ كەلەسى جاعىنداعى قابىرعا تۇسىندا وتىرعان ادامنىڭ امان قالۋعا مۇلدە مۇمكىندىگى بولمادى. سسەبەبى ۇشاق ءدال سول جاعىنا قاراي قۇلاعان», – دەيدى ول.
ءالى كۇنگە دەيىن اپاتتىڭ ناقتى سەبەبى ايتىلمادى. ماماندار ناقتى نە بولعانىن انىقتاۋعا مۇمكىندىك بەرەتىن «قارا جاشىكتىڭ» تابىلعانىن حابارلادى.
الەۋمەتتىك جەلىلەردە تاراعان ۆيدەودان رامەشتىڭ جەدەل جاردەم كولىگىنىڭ قاسىنا ءوزى كەلگەنىن كورۋگە بولادى.
ء«وزىمنىڭ ءتىرى قالعانىما ءالى كۇنگە دەيىن سەنبەيمىن. ءتىپتى قيراندىنىڭ استىنان ءوزىم شىقتىم. ادامداردىڭ, ستيۋاردەسسالار مەن جانىمداعى ەكى جولاۋشىنىڭ ءولىپ جاتقانىن ءوز كوزىممەن كوردىم. ولەتىن شىعارمىن دەپ ويلادىم. بىراق كوزىمدى اشىپ, جانىمداعىلاردى كورگەندە, ءتىرى ەكەنىمدى ءبىلدىم», – دەيدى ول.
رامەشتىڭ دارىگەرى دحاۆال گامەتي ونىڭ «ازداپ قورقىپ قالعانىن, دەنەسىندە كوپتەگەن جاراقاتتارى بارىن», الايدا جاعدايىنىڭ قالىپتى ەكەنىن حابارلادى. بريتاندىق بيلىك مالىمەتىنشە, ديپلوماتتار كومەك ۇسىنۋ ءۇشىن رامەشپەن بايلانىسقان.
فوتو: DD INDIA
ۆيشۆاكۋمار رامەش تۋرالى نە بەلگىلى
ۆيشۆاكۋمار رامەش ينديادا تۋىپ, 2003 جىلى ۇلىبريتانياعا كوشكەن. سول رەيسپەن بىرگە ونىڭ اعاسى ادجاي دا كەلگەن. اعايىندى رامەشتەر ۇندىستانعا بىرنەشە اي دەمالىسقا كەلگەن.
تۋىس اعاسى حيرەن كانتيلالدىڭ سوزىنشە, جۇما كۇنى تاڭەرتەڭ رامەش وتباسى مۇشەلەرىمەن سويلەسكەن, «جاياۋ ءجۇرىپ, سويلەي الاتىن جاعدايعا» ەداۋىر جاقسارعان.
بريتان سىرتقى ىستەر مينيسترلىگى «اۋەجايداعى بريتان ازاماتتارىنىڭ وتباسىلارىنا كونسۋلدىق قولداۋ كورسەتەتىنىن ايتتى.
اپاتتىڭ سالدارى
قۇلاعان ۇشاقتاعى جالعىز ءتىرى قالعان ادام ءالى دە اۋرۋحانادا. ءۇندىستاننىڭ ازاماتتىق اۆياتسيا ءمينيسترى رام موحان نايدۋ كيندجاراپۋوقيعا ورنىنان قارا جاشىك تابىلعانىن ايتتى.
Air India-عا قارايتىن Tata Group كومپانياسى تەكسەرۋ ءۇشىن ۇندىستانعا ۇلىبريتانيا جانە اقش ساراپشىلارىن جىبەرگەنىن حابارلادى.
سونىمەن قاتار عيماراتقا قۇلاعان ۇشاق سالدارىنان جاتاقحانادا تۇراتىن 8 ادام مەرت بولدى. جەرگىلىكتى دەنساۋلىق ساقتاۋ باسقارماسىنىڭ مالىمەتىنشە, ولاردىڭ تورتەۋى مەديتسينالىق كوللەدج وقۋشىسى, قالعاندارى سول جەردە تۇراتىن مەديتسينالىق قىزمەتكەرلەردىڭ وتباسىلارى.
13 ماۋسىمدا ءۇندىستان پرەمەر-ءمينيسترى نارەندرا مودي اپات ورنىنا بارىپ, كەيىن اۋرۋحاناعا زارداپ شەككەندەردى زيارات ەتتى. اۋرۋحانا سىرتىندا يمپروۆيزاتسيالانعان شاتىرلى لاگەر اشىلعان. وندا اپات قۇرباندارىنىڭ وتباسى مەن جاقىندارى تۇرىپ جاتىر.
جەرگىلىكتى پوليتسيا وكىلى كەيبىر قۇربانداردىڭ دنق ارقىلى عانا انىقتالاتىنىن ايتتى. قان تاپسىرۋ ءراسىمى جالعاسىپ جاتىر.
ەسكە سالساق, بۇعان دەيىن ءۇندىستاندا جولاۋشىلار ۇشاعى اپاتقا ۇشىراعانى تۋرالى جازعان ەدىك. ۇشاق اپاتىنان 241 ادام كوز جۇمىپ, تەك ءبىر جولاۋشى ءتىرى قالدى.
