«Tiri qalǵanyma áli senbeımin»: Úndistanda ushaq apatynan aman qalǵan jalǵyz adam jaǵdaıdy baıandady

Foto: DD INDIA

Úndistanda áýejaı mańynda bolǵan ushaq apatynan aman qalǵan jalǵyz jolaýshy mán-jaıdy aıtyp berdi, dep jazdy qandastar.kz

Bul týraly Stan.kz aqparat agenttigi BBC basylymyna silteme jasap habarlaıdy.

Ulybrıtanııa azamaty Vıshvakýmar Ramesh Air 12 maýsymda India áýekompanııasynyń AI171 reısinde bolǵan. Ahmadabadtan Londonǵa ushqan Boeing 787 laıneri áýege kóterilgen soń birden apatqa ushyrap, qulaǵan. 40 jasar Rameshtiń oryndyǵy – 11A, ıaǵnı apattyq esik mańynda otyrǵan. Onyń Lesterde áıeli men tórt jastaǵy uly bar eken.

«Belbeýimdi sheshken keıin, aıaǵymdy tirek turyp, esik arqyly shyǵýǵa tyrystym», – deıdi Ramesh.

Air India kompanııasynyń málimetinshe bortta bolǵan 241 adam (229 jolaýshy, 12 ekıpaj múshesi) qaza bolǵan. Apat qurbandary, negizinen, Úndistan (169) jáne Ulybrıtanııa azamattary (52). Apat ornynan qazirge deıin 200-den astam máıit tabylǵan. Biraq olardyń naqty jolaýshylarǵa nemese turǵyndarǵa tıesili ekeni anyqtalmaǵan. Sebebi áıe kóligi medıınalyq qyzmetkerler men stýdentter turatyn jataqhanaǵa qulaǵan.

Aman qalǵan jolaýshy Rameshtiń aıtýynsha, ushaq kóterilgen soń shamamen birneshe sekýndtan keıin ushaq ishinde jaryq sónip, janyp turǵa.

«5–10 sekýnd ishinde ushaq bir qalypta turyp qalǵandaı boldy. Jaryq jasyl-qyzyl túske aýysyp, sodan keıin ushaq ǵımaratqa soǵysyp, jaryldy», – deıdi ol.

Ushaq qulaǵan oryn Baıramdjı Djıdjıbhoı atyndaǵy jergilikti Azamattyq aýrýhananyń qyzmetkerleri men oǵan qarasty Medıınalyq kolledjdiń stýdentteri turatyn jataqhana bolǵan.

Rameshtiń oryndyǵy ushaqtyń ǵımaratqa tımeı, jerge qulaǵan fıýzelıaj bóliginde ornalasqan.

«Lıýk shyqqanda, onyń artynda bos oryn bar ekenin kórdim. Men sol jerden óttim. Fıýzelıajdyń kelesi jaǵyndaǵy qabyrǵa tusynda otyrǵan adamnyń aman qalýǵa múlde múmkindigi bolmady. Ssebebi ushaq dál sol jaǵyna qaraı qulaǵan», – deıdi ol.

Áli kúnge deıin apattyń naqty sebebi aıtylmady. Mamandar naqty ne bolǵanyn anyqtaýǵa múmkindik beretin «qara jáshiktiń» tabylǵanyn habarlady.

Áleýmettik jelilerde taraǵan vıdeodan Rameshtiń jedel járdem kóliginiń qasyna ózi kelgenin kórýge bolady.

«О́zimniń tiri qalǵanyma áli kúnge deıin senbeımin. Tipti qırandynyń astynan ózim shyqtym. Adamdardyń, stıýardessalar men janymdaǵy eki jolaýshynyń ólip jatqanyn óz kózimmen kórdim. О́letin shyǵarmyn dep oıladym. Biraq kózimdi ashyp, janymdaǵylardy kórgende, tiri ekenimdi bildim», – deıdi ol.

Rameshtiń dárigeri Dhaval Gametı onyń «azdap qorqyp qalǵanyn, denesinde kóptegen jaraqattary baryn», alaıda jaǵdaıynyń qalypty ekenin habarlady. Brıtandyq bılik málimetinshe, dıplomattar kómek usyný úshin Rameshpen baılanysqan.

Foto: DD INDIA

Vıshvakýmar Ramesh týraly ne belgili

Vıshvakýmar Ramesh Indııada týyp, 2003 jyly Ulybrıtanııaǵa kóshken. Sol reıspen birge onyń aǵasy Adjaı da kelgen. Aǵaıyndy Rameshter Úndistanǵa birneshe aı demalysqa kelgen.

Týys aǵasy Hıren Kantılaldyń sózinshe, juma kúni tańerteń Ramesh otbasy múshelerimen sóılesken, «jaıaý júrip, sóıleı alatyn jaǵdaıǵa» edáýir jaqsarǵan.

Brıtan syrtqy ister mınıstrligi «áýejaıdaǵy brıtan azamattarynyń otbasylaryna konsýldyq qoldaý kórsetetinin aıtty.

Apattyń saldary

Qulaǵan ushaqtaǵy jalǵyz tiri qalǵan adam áli de aýrýhanada. Úndistannyń azamattyq avıaııa mınıstri Ram Mohan Naıdý Kındjarapýoqıǵa ornynan qara jáshik tabylǵanyn aıtty.

Air India-ǵa qaraıtyn Tata Group kompanııasy tekserý úshin Úndistanǵa Ulybrıtanııa jáne AQSh sarapshylaryn jibergenin habarlady.

Sonymen qatar ǵımaratqa qulaǵan ushaq saldarynan jataqhanada turatyn 8 adam mert boldy. Jergilikti densaýlyq saqtaý basqarmasynyń málimetinshe, olardyń tórteýi medıınalyq kolledj oqýshysy, qalǵandary sol jerde turatyn medıınalyq qyzmetkerlerdiń otbasylary.

13 maýsymda Úndistan premer-mınıstri Narendra Modı apat ornyna baryp, keıin aýrýhanaǵa zardap shekkenderdi zııarat etti. Aýrýhana syrtynda ımprovızaııalanǵan shatyrly lager ashylǵan. Onda apat qurbandarynyń otbasy men jaqyndary turyp jatyr.

Jergilikti polıııa ókili keıbir qurbandardyń DNQ arqyly ǵana anyqtalatynyn aıtty. Qan tapsyrý rásimi jalǵasyp jatyr.

Eske salsaq, buǵan deıin Úndistanda jolaýshylar ushaǵy apatqa ushyraǵany týraly jazǵan edik. Ushaq apatynan 241 adam kóz jumyp, tek bir jolaýshy tiri qaldy.