Tirkeý merzimi ótti: Qazaqstanda kimderdiń telefony buǵattalady

Foto: freepik.com

Búgin, 25 shildede Qazaqstanda mindetti tekserýden ótpegen qurylǵylar baılanystan ajyratyla bastaıdy, dep jazdy qandastar.kz

Uıaly telefondar satyp alý kúni men qandaı jaǵdaıda satyp alǵanǵa baılanysty óshiriledi.

Bul týraly Stan.kz aqarat agenttigi «Informbıýro» baǵdarlamasyna silteme jasap habarlaıdy.

Memlekettik organdar men barlyq múddeli taraptyń qatysýymen ótken jıynda 25 maýsymǵa deıin jumys istep turǵan qurylǵylardyń jelige qol jetimdiligine tosqaýyl qoımaý týraly sheshim qabyldandy. Demek mundaı telefondar tekserilgen-tekserilmegenine qaramastan mobıldi jelilerde jumysyn jalǵastyra beredi.

«Jıynǵa qatysqandardyń barlyǵy tirkelmegen, biraq 2025 jylǵy 25 maýsymǵa deıin paıdalanylǵan uıaly baılanys qurylǵylary avtomatty túrde zańdastyrylady degen qorytyndyǵa keldi. Olar óshirilmeıdi», – deıdi Eýrazııalyq tutynýshylar odaǵynyń basqarma tóraǵasy Svetlana Romanovskaıa.

ıfrlyq damý mınıstrligi bul aqparatty rastady. Bıznes úshin ótpeli kezeń 25 mamyrda aıaqtaldy — kompanııalar satylmaǵan telefondardy aldyn ala tirkeýge múmkindik aldy. Biraq qarapaıym paıdalanýshylar úshin myna nárse mańyzdy: eger uıaly telefon jelige alǵash ret 25 maýsymnan keıin qosylǵan bolsa, ol «sur tizimge» engiziledi. Demek, uıaly telefon ıesiniń qurylǵyny tirkeýge bir aı ýaqyty bolǵan. Eger tirkep úlgermegen bolmasa, uıaly telefony óship qalýy múmkin.

«Jeke tulǵalarǵa 25 maýsymǵa deıin óz betinshe tekserýden ótý úshin qurylǵylardy zańdastyrýǵa ýaqyt berildi. Jelige qosylǵan kezde tekserýden ótpegen qurylǵy «sur tizimge» engiziledi. Mundaı qurylǵylardy tekserý úshin 30 kún beriledi. Qurylǵy belgilengen merzimde tekserý rásiminen ótpese, ol «qara tizimge» kiredi», – delingen ıfrlyq damý, ınnovaııalar jáne aeroǵarysh ónerkásibi mınıstrligi habarlamasynda.

Baılanys aıasynan tys qalmaý úshin paıdalanýshylarǵa telefonynyń IMEI kodyn aldyn ala tekserý keńes etiledi – ony egov.kz, kz-imei.kz nemese imei.rfs.gov.kz saıttarynda jyldam ári tegin tekserýge bolady. Al eger siz jańa telefon satyp alyp jatqan bolsańyz, mindetti túrde satýshydan IMEI kodyn surap, onyń tirkelgenine kóz jetkizińiz. Mamandar mundaı tekserý tek qaýipsizdik úshin ǵana emes, zańsyz ákelingen «sur» qurylǵylardan qorǵaný úshin júrgizilip jatqanyn aıtady.