جاڭالىقتار
ءتىسىن ەمدەپ, قىمبات كولىكتى جالعا العان: پەريزات قايرات قايىرىمدىلىققا جينالعان اقشانى قايدا جۇمسادى
فوتو: ءىnstagram.com/01pk
استانا قالاسىنىڭ قىلمىستىق ىستەر جونىندەگى اۋدانارالىق سوتىندا پەريزات قايرات ءىسى بويىنشا باستى سوت پروتسەسى ءوتىپ جاتىر. پروكۋرور سوتتا ايىپتاۋ قورىتىندىسىن وقىدى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
سوتتا 2021 جىلعى 28 جەلتوقساندا پەريزات قايراتتىڭ وڭالتۋ ورتالىعىن سالامىز دەگەن جەلەۋمەن جينالعان قاراجاتتى “Capital Rent a Car” كومپانياسى ارقىلى Toyota Camry ماركالى اۆتوكولىكتى جالعا العانى ايتىلدى. اۆتوكولىكتى جالعا الۋ قۇنى 600 مىڭ تەڭگە بولعان, بۇل سوما ForteBank بانكىندەگى قوعامدىق بىرلەستىك شوتىنان تولەنگەن.
“2021 جىلعى 31 جەلتوقساندا پەريزات قايرات اناسى عايني الاشباەۆامەن بىرگە استانا اۋەجايىنان بىرىككەن اراب امىرلىكتەرىنە ۇشىپ كەتكەن. ولار 2022 جىلى 13 قاڭتارعا دەيىن سوندا بولعان. وسى ۋاقىت ارالىعىندا ولار تاكسي, مەيرامحانا جانە FlyDubai اۋە كومپانياسىنىڭ ۇشاق بيلەتتەرىنە 1 587 057 تەڭگە جۇمساعان. بۇل شىعىنداردىڭ ءبارى قوعامدىق بىرلەستىكتىڭ شوتىنان تولەنگەن. تەرگەۋ بارىسىندا پەريزات قايرات پەن عايني الاشباەۆا الدىن الا كەلىسىپ ارەكەت ەتكەنى انىقتالدى. ولار وڭالتۋ ورتالىعىن سالامىز دەگەن جەلەۋمەن جينالعان اقشانى الداۋ جانە ارتىلعان سەنىمدى تەرىس پايدالانۋ ارقىلى يەمدەنىپ, جالپى سوماسى 21 ميلليون 600 مىڭ تەڭگەنى جىمقىرعان», – دەدى پروكۋرور مادينا ورازالينا.
ايىپتاۋ اكتىسىنەە سايكەس, پەريزات قايرات مۇگەدەكتىگى بار بالالارعا كومەكتەسۋ قوعامدا ايانىش سەزىمىن تۋدىرىپ, قاراجات جيناۋعا وڭ اسەر ەتەتىنىن تۇسىنگەن سوڭ, الاياقتىق ارەكەتىن جالعاستىرۋدى ۇيعارعان.
ء“وزىنىڭ ارەكەتىن شىنايى ەتىپ كورسەتۋ ءۇشىن, پەريزات قايرات ءارتۇرلى ۇيىمدارعا قايىرىمدىلىق كومەك سۇراپ حاتتار جولداپ, كومپانيا باسشىلارىمەن كەزدەسىپ, قوردىڭ ء«تيىمدى» جۇمىسى تۋرالى پرەزەنتاتسيالار وتكىزگەن. وسىلايشا, 2022 جىلى ول كەلەسى ۇيىمدارعا جۇگىنگەن:
-
«باتىل قازاقستان» جشس-عا ورتالىقتى جوندەۋگە كومەك سۇراپ – ەسەپشوتقا 1 ملن تەڭگە تۇسكەن;
-
«تيدجين ينداستريس» جشس-عا مۇمكىندىگى شەكتەۋلى بالالار دەلەگاتسياسىن اقش-قا جىبەرۋگە دەمەۋشىلىك سۇراپ 2 ملن تەڭگە تۇسكەن;
-
«Magnum Cash&Carry» جشس-دان تاعى 1 ملن تەڭگە اۋدارىلعان;
-
«ەدەل جاناباۆات» قوعامدىق قورىنان 2022 جىلعى 26 شىلدەدە 3 ملن تەڭگە اۋدارىلعان.
الايدا ورتالىقتى جوندەۋ نەمەسە مۇگەدەكتىگى بار بالالارعا قولداۋ كورسەتۋ بويىنشا ەشقانداي ناقتى ءىس-شارالار جۇرگىزىلمەگەن. بارلىق قاراجات جەكە قاجەتتىلىكتەرگە جۇمسالعان”, – دەدى پروكۋرور ايىپتاۋ اكتىسىن وقىپ جاتىپ.
مەملەكەتتىك ايىپتاۋشىنىڭ ايتۋىنشا, 2023 جىلدىڭ جازىندا پەريزات قايرات استاناداعى گولف-كلۋبتا 30 تامىزدا ءوتۋ كەرەك بولعان Central Asia Fest اتتى جالعان ءىس-شارانى جانە “الماتى ارەنا” مۇز كەشەنىندە الماتى-ەنە اتتى شارا ۇيىمداستىرعان.
2022 جىلدىڭ مامىرىنان 2023 جىلدىڭ قازانىنا دەيىن وسى جانە باسقا دا ءىس-شارالاردى وتكىزەمىن دەگەن جەلەۋمەن پەريزات قايرات پەن عايني الاشباەۆا ازاماتتار مەن ۇيىمداردان 105 144 750 تەڭگە العان. بۇل قاراجاتتىڭ بارلىعى جىمقىرىلعان بولىپ شىقتى.
ونىڭ ىشىندە:
-
13 200 000 تەڭگەنى قولما-قول اقشاعا اينالدىرعان;
-
19 715 000 تەڭگەنى قور شوتتارىنىڭ اراسىندا اۋدارعان;
-
10 000 000 تەڭگەنى قوردىڭ باسقا شوتىنا اۋدارعان;
-
18 160 000 تەڭگەنى باسقا شوتتارعا قايتا اۋدارعان;
-
4 439 340 تەڭگە 9 000 ەۋرونى ساتىپ الۋعا جۇمساعان;
-
43 576 985 تەڭگە ىس-شارالارعا, ونىڭ ىشىندە ساحنا جالداۋ, تۇرۋ جانە جەكە قاجەتتىلىكتەرگە تولەگەن;
-
21 182 426 تەڭگەنى جەكە قاجەتتىلىكتەرىنە جۇمساعان:
-
9 859 426 تەڭگەنى جەكە شوتتارعا اۋدارعان;
-
11 324 000 تەڭگەنى قولما-قول اقشاعا اينالدىرعان;
-
3 299 000 تەڭگەنى “Anel Dent” ستوماتولوگياسىندا ءتىس ەمدەۋگە تولەگەن;
-
4 692 100 تەڭگەنى ۇشىنشى تۇلعالاردىڭ شوتتارىنا اۋدارعان;
-
13 600 000 تەڭگە قولما-قول اقشاعا اينالدىرعان.
عايني الاشباەۆانىڭ زاڭدى تابىس كوزى بولماعانىنا قاراماستان ونىڭ Kaspi بانكىندەگى جەكە شوتىنا پەريزات قايراتتان 37 113 000 تەڭگە قولما-قول جانە اۋدارىمدار ارقىلى اقشا تۇسكەن. بۇل قاراجاتتار دا جەكە قاجەتتىلىكتەرگە جۇمسالعان.
