Tisin emdep, qymbat kólikti jalǵa alǵan: Perızat Qaırat qaıyrymdylyqqa jınalǵan aqshany qaıda jumsady

Foto: Instagram.com/01pk

Astana qalasynyń qylmystyq ister jónindegi aýdanaralyq sotynda Perızat Qaırat isi boıynsha basty sot proesi ótip jatyr. Prokýror sotta aıyptaý qorytyndysyn oqydy, dep jazdy qandastar.kz

 Bul týraly Stan.kz aqparat agenttigi habarlaıdy.

Sotta 2021 jylǵy 28 jeltoqsanda Perızat Qaırattyń ońaltý ortalyǵyn salamyz degen jeleýmen jınalǵan qarajatty “Capital Rent a Car” kompanııasy arqyly Toyota Camry markaly avtokólikti jalǵa alǵany aıtyldy. Avtokólikti jalǵa alý quny 600 myń teńge bolǵan, bul soma ForteBank bankindegi qoǵamdyq birlestik shotynan tólengen.

“2021 jylǵy 31 jeltoqsanda Perızat Qaırat anasy Ǵaını Alashbaevamen birge Astana áýejaıynan Birikken Arab Ámirlikterine ushyp ketken. Olar 2022 jyly 13 qańtarǵa deıin sonda bolǵan. Osy ýaqyt aralyǵynda olar taksı, meıramhana jáne FlyDubai áýe kompanııasynyń ushaq bıletterine 1 587 057 teńge jumsaǵan. Bul shyǵyndardyń bári qoǵamdyq birlestiktiń shotynan tólengen. Tergeý barysynda Perızat Qaırat pen Ǵaını Alashbaeva aldyn ala kelisip áreket etkeni anyqtaldy. Olar ońaltý ortalyǵyn salamyz degen jeleýmen jınalǵan aqshany aldaý jáne artylǵan senimdi teris paıdalaný arqyly ıemdenip, jalpy somasy 21 mıllıon 600 myń teńgeni jymqyrǵan», – dedi prokýror Madına Orazalına.

Aıyptaý aktisinee sáıkes, Perızat Qaırat múgedektigi bar balalarǵa kómektesý qoǵamda aıanysh sezimin týdyryp, qarajat jınaýǵa oń áser etetinin túsingen soń, alaıaqtyq áreketin jalǵastyrýdy uıǵarǵan.

“О́ziniń áreketin shynaıy etip kórsetý úshin, Perızat Qaırat ártúrli uıymdarǵa qaıyrymdylyq kómek surap hattar joldap, kompanııa basshylarymen kezdesip, qordyń «tıimdi» jumysy týraly prezentaııalar ótkizgen. Osylaısha, 2022 jyly ol kelesi uıymdarǵa júgingen:

• «Batyl Qazaqstan» JShS-ǵa ortalyqty jóndeýge kómek surap – esepshotqa 1 mln teńge túsken;

• «Tıdjın Indastrıs» JShS-ǵa múmkindigi shekteýli balalar delegaııasyn AQSh-qa jiberýge demeýshilik surap 2 mln teńge túsken;

• «Magnum Cash&Carry» JShS-dan taǵy 1 mln teńge aýdarylǵan;

• «Edel Janabavat» qoǵamdyq qorynan 2022 jylǵy 26 shildede 3 mln teńge aýdarylǵan.

Alaıda ortalyqty jóndeý nemese múgedektigi bar balalarǵa qoldaý kórsetý boıynsha eshqandaı naqty is-sharalar júrgizilmegen. Barlyq qarajat jeke qajettilikterge jumsalǵan”, – dedi prokýror aıyptaý aktisin oqyp jatyp.

Memlekettik aıyptaýshynyń aıtýynsha, 2023 jyldyń jazynda Perızat Qaırat Astanadaǵy golf-klýbta 30 tamyzda ótý kerek bolǵan Central Asia Fest atty jalǵan is-sharany jáne “Almaty Arena” muz kesheninde Almaty-Ene atty shara uıymdastyrǵan.

2022 jyldyń mamyrynan 2023 jyldyń qazanyna deıin osy jáne basqa da is-sharalardy ótkizemin degen jeleýmen Perızat Qaırat pen Ǵaını Alashbaeva azamattar men uıymdardan 105 144 750 teńge alǵan. Bul qarajattyń barlyǵy jymqyrylǵan bolyp shyqty.

Onyń ishinde:

• 13 200 000 teńgeni qolma-qol aqshaǵa aınaldyrǵan;

• 19 715 000 teńgeni qor shottarynyń arasynda aýdarǵan;

• 10 000 000 teńgeni qordyń basqa shotyna aýdarǵan;

• 18 160 000 teńgeni basqa shottarǵa qaıta aýdarǵan;

• 4 439 340 teńge 9 000 eýrony satyp alýǵa jumsaǵan;

• 43 576 985 teńge is-sharalarǵa, onyń ishinde sahna jaldaý, turý jáne jeke qajettilikterge tólegen;

• 21 182 426 teńgeni jeke qajettilikterine jumsaǵan:

• 9 859 426 teńgeni jeke shottarǵa aýdarǵan;

• 11 324 000 teńgeni qolma-qol aqshaǵa aınaldyrǵan;

• 3 299 000 teńgeni “Anel Dent” stomatologııasynda tis emdeýge tólegen;

• 4 692 100 teńgeni úshinshi tulǵalardyń shottaryna aýdarǵan;

• 13 600 000 teńge qolma-qol aqshaǵa aınaldyrǵan.

Ǵaını Alashbaevanyń zańdy tabys kózi bolmaǵanyna qaramastan onyń Kaspi bankindegi jeke shotyna Perızat Qaırattan 37 113 000 teńge qolma-qol jáne aýdarymdar arqyly aqsha túsken. Bul qarajattar da jeke qajettilikterge jumsalǵan.