Tıtan batıskafynda mert bolǵan mıllıarderdiń áıeli túksiz qaldy

Mıllıarderdiń otbasylyq bıznes ımperııasy – Dawood jyl saıyn 1,5 mıllıard evro tabys ákeletinine qaramastan, marqumnyń áıeli Krıstına nebári 91 614 evroǵa ǵana ıe bolyp qaldy.

Daily Mail málimetinshe, jesirdiń enshisine mundaı shaǵyn qarajattyń tııýine ósıethattyń qaldyrylmaýy túrtki kórinedi. Otbasy aǵylshynnyń Sýrreı okrýginde turady, al ondaǵy jergilikti zańdarǵa sáıkes, mura jazylmaǵan jaǵdaıda tek Ulybrıtanııadaǵy aktıvterdiń bir bóligi ǵana artynda qalǵan urpaqqa beriledi. Bul jaǵdaıda Davýdqa tıesili baılyq negizinen memleket tys jerde qalyp otyr.

Aıta ketsek, qaıǵyly oqıǵa 2023 jyldyń jazynda birneshe adam shaǵyn Tıtan batıskafymen kezinde teńiz túbine batqan Tıtanıkti tamashlaýǵa attanǵan. Shahzada men Súleımennen bólek bortta taǵy úsh adam boldy: OceanGate kompanııasynyń bas dırektory Stokton Rash, brıtandyq kásipker Hamısh Hardıng jáne «Tıtanık» jónindegi franýz mamany Pol-Anrı Narjole.

3 800 metr tereńdikke jetkende batıskaf syrtqy qysymǵa shydamaı kúl-talqan bolyp shashyldy. Onyń bólshekteri teńiz túbinde jatqan Tıtanıkten nebári 330 metr qashyqtyqtan tabyldy.