توعىزقۇمالاق ويىنىنىڭ وقۋ قۇرالى ليتۆا تىلىندە جارىق كوردى

وقۋ قۇرالى مەن ويىننىڭ تۇساۋكەسەرى ۆيلنيۋستەگى «مەكتەپ 2019» IX ءبىلىم بەرۋ جانە يننوۆاتسيالىق كورمەسىنىڭ اياسىندا ءوتتى.

قازاقستاننىڭ ليتۆاداعى ەلشىسى ۆيكتور تەمىرباەۆ اتاپ وتكەندەي, بۇل زياتكەرلىك ويىن بالتىق جاعالاۋىندا تانىمال بولا باستادى. بۇل ويىندى 2018 جىلى ەلشىلىك دۇنيەجۇزىلىك توعىزقۇمالاق فەدەراتسياسىمەن بىرگە لاتۆيادا ۇسىندى, ال 2019 جىلى لاتۆيا ويىنشىلارى ىستامبۇلدا وتكەن توعىزقۇمالاق الەم چەمپيوناتىنا قاتىستى.

قازاقتىڭ ۇلتتىق ويىنىمەن تانىسۋ ليتۆادا 2019 جىلى ءوتتى جانە كوكتەمدە ليتۆا مەكتەپتەرىنىڭ وقۋشىلارى اراسىندا العاشقى توعىزقۇمالاقتان جارىس ءوتتى. قازاقستاندىق ديپلومات, ەلەكتروندى نۇسقاسى ەلشىلىكتىڭ سايتىندا قول جەتىمدى بولاتىن ادىستەمەلىك قۇرالى كومەگىمەن بۇكىل ليتۆا بويىنشا  «كوشپەلى الگەبرانى» ۇيرەنگىسى كەلەتىندەردىڭ سانى كوبەيە تۇسەتىنىنە سەنىم ءبىلدىردى.

ليتۆا تىلىندەگى نۇسقاۋلىق الداعى 2020 جىلى قازاقتىڭ ۇلى ويشىلى اباي قۇنانباي ۇلىنىڭ 175 جىلدىق مەرەيتويىن اتاپ وتۋگە دايىندالۋ ماقساتىندا جاريالاندى. ابايدىڭ وسى ستراتەگيالىق ويىننىڭ ۇلى شەبەرى سانالعانى بەلگىلى. كەلەسى جىلدىڭ قاڭتارىندا ەلشىلىك ۇلى ابايدىڭ 175 جىلدىعىنا ارنالعان ۆيلنيۋستا توعىزقۇمالاقتان كەزەكتى جارىستى وتكىزۋدى جوسپارلاپ وتىر.