توعىزقۇمالاق تاقتاسى عارىشقا ۇشىرىلدى

فوتو: تۋريزم جانە سپورت مينيسترلىگى

9 قىركۇيەك كۇنى ساعات 09:09-دا 5-ءشى دۇنيەجۇزىلىك كوشپەندىلەر ويىندارى اياسىندا توعىزقۇمالاقتان العاشقى ويىندار باستالدى, دەپ حابارلايدى qandastar.kz.

قاتىسۋشىلاردىڭ ءبىرىنشى ءجۇرىسى 9 ويىنشىدان تۇراتىن 9 ۇستەلدىك تاقتادا, 9-شى ۇيادان باستالىپ, ەسەپتەۋ جىلدامدىعىمەن سايىسقا ءتۇستى.

ەرەكشە ايتا كەتەتىن ماڭىزدى جاڭالىق – توعىزقۇمالاق تاقتاسىنىڭ عارىش كەڭىستىگىنە شىعۋى. رەسەي عارىش اگەنتتىگىمەن اراداعى كەلىسىم نەگىزىندە ىشىندە تاستارى بار تاقتا العاش رەت كوشپەندىلەر ويىندارى اياسىندا ستراتوسفەرا قاباتىنا شىعىپ, قايتادان جەرگە جەتكىزىلدى.

بۇل ءىس-شارا ۇستەل ويىندارىنىڭ جانكۇيەرلەرى ءۇشىن عانا ەمەس, بۇكىل قازاقستان ءۇشىن دە ماڭىزدى جاڭالىق. ويتكەنى توعىزقۇمالاق – عارىشتا بولعان جالعىز ۇستەل ويىنى.

5-ءشى دۇنيەجۇزىلىك كوشپەندىلەر ويىندارى اياسىنداعى توعىزقۇمالاق تۋرنيرىندە 41 ەلدەن, ونىڭ ىشىندە كولۋمبيا, بانگلادەش, ۇلىبريتانيا, فرانتسيا, گەرمانيا, اقش, قىتاي, لاتۆيا, افريكا جانە اراب ەلدەرىنەن كەلگەن 114 قاتىسۋشى باق سىنايدى.