تويدا قويعا شاپان كيگىزىپ, الىپ شىققاندارعا جۇرت شۇيلىكتى

فوتو: اشىق دەرەككوز

ۆيدەودان اسابانىڭ شاپان كيگەن قويدى دۇركىرەتىپ ورتاعا الىپ شىققانىن كورۋگە بولادى, دەپ حابارلايدى  qandastar.kz

جەلى قولدانۋشىلارى تويداعى بۇل ارەكەتتى «ۇلتتىق كيىمدى قورلاۋ» دەپ باعالادى. اسابانىڭ ورىنسىز ءازىلىن دە سىناپ تاستادى.

«مال دەسە, رەنجيمىز, مالمىز عوي. توي يەسى مەن اسابانىڭ دا ساناسى تومەن. قوي, ۇيات بولار, ولاي بولمايدى, دەيتىن ءبىر ادام جوق پا?», «ۇيات اي, ساناسىنىڭ جەتكەن جەرى وسى ما? قور بولعان شاپانىم اي, قۋىپ كەتكەن قازاعىم اي…», «ەسسىز اسابا ما ەسسىز توي يەسى ما ۇلتتىق قۇندىلىعىڭنىڭ ءبىرى ۇستىڭە ىلەر ءبىر كيەر شاپانىڭدى مالعا كيگىزىپ مالمەن تەڭ بولدىڭ. ءبىر كەم دۇنيە», «ۇلتتىق كيىمدى قور قىلدى!», «قاسيەتسىزدەر», «قازاقتى مازاق قىلدىڭدار!» – دەپ جازدى ولار.