Toıda qoıǵa shapan kıgizip, alyp shyqqandarǵa jurt shúılikti

Foto: ashyq derekkóz

Vıdeodan asabanyń shapan kıgen qoıdy dúrkiretip ortaǵa alyp shyqqanyn kórýge bolady, dep habarlaıdy  qandastar.kz

Jeli qoldanýshylary toıdaǵy bul áreketti «ulttyq kıimdi qorlaý» dep baǵalady. Asabanyń orynsyz ázilin de synap tastady.

«Mal dese, renjımiz, malmyz ǵoı. Toı ıesi men asabanyń da sanasy tómen. Qoı, uıat bolar, olaı bolmaıdy, deıtin bir adam joq pa?», «Uıat aı, sanasynyń jetken jeri osy ma? Qor bolǵan shapanym aı, qýyp ketken qazaǵym aı…», «Essiz asaba ma essiz toı ıesi ma ulttyq qundylyǵyńnyń biri ústińe iler bir kıer shapanyńdy malǵa kıgizip malmen teń boldyń. Bir kem dúnıe», «Ulttyq kıimdi qor qyldy!», «Qasıetsizder», «Qazaqty mazaq qyldyńdar!» – dep jazdy olar.