جاڭالىقتار
توقاەۆ اقوردادا ەمومالي راحمونمەن كەزدەستى
كەزدەسۋ بارىسىندا قاسىم-جومارت توقاەۆ شىۇ سامميتىنە ارنايى قاتىسقانى جانە استانانىڭ باستامالارى مەن باسىمدىقتارىن تۇراقتى تۇردە قولداپ كەلە جاتقانى ءۇشىن ەمومالي راحمونعا ريزاشىلىعىن ءبىلدىردى,-دەپ حابارلايدى Qandastar.kz
– سامميتكە ءسىزدىڭ قاتىسۋىڭىزدىڭ ءمانى زور. سەبەبى 1996 جىلى قۇرىلعان شانحاي ىنتىماقتاستىق ۇيىمىنىڭ باستاۋىندا بولعان پرەزيدەنتتەردىڭ ءبىرىسىز. مەنىڭ ويىمشا, بۇل ۇيىم – شىن مانىندە, ءتيىمدى, بەدەلدى ءارى دەموكراتيالىق بىرلەستىك. ەرتەڭگى سامميت تابىستى وتەدى دەپ ۇمىتتەنەمىن, – دەدى مەملەكەت باسشىسى.
تاجىكستان پرەزيدەنتى ءوز كەزەگىندە قازاقستاننىڭ شىۇ-داعى توراعالىعى تابىستى وتكەنىن ايتتى. سونداي-اق ەكى ەلدىڭ ساۋدا-ەكونوميكالىق, مادەني گۋمانيتارلىق سالالارداعى جانە قاۋىپسىزدىك باعىتىنداعى ىنتىماقتاستىعى جوسپارلى تۇردە دامىپ كەلە جاتقانىن اتاپ ءوتتى.
