Toqaev Aqordada Emomalı Rahmonmen kezdesti

Kezdesý barysynda Qasym-Jomart Toqaev ShYU sammıtine arnaıy qatysqany jáne Astananyń bastamalary men basymdyqtaryn turaqty túrde qoldap kele jatqany úshin Emomalı Rahmonǵa rızashylyǵyn bildirdi,-dep habarlaıdy Qandastar.kz

– Sammıtke Sizdiń qatysýyńyzdyń máni zor. Sebebi 1996 jyly qurylǵan Shanhaı yntymaqtastyq uıymynyń bastaýynda bolǵan prezıdentterdiń birisiz. Meniń oıymsha, bul uıym – shyn máninde, tıimdi, bedeldi ári demokratııalyq birlestik. Erteńgi sammıt tabysty ótedi dep úmittenemin, – dedi Memleket basshysy.

Tájikstan Prezıdenti óz kezeginde Qazaqstannyń ShYU-daǵy tóraǵalyǵy tabysty ótkenin aıtty. Sondaı-aq eki eldiń saýda-ekonomıkalyq, mádenı gýmanıtarlyq salalardaǵy jáne qaýipsizdik baǵytyndaǵy yntymaqtastyǵy josparly túrde damyp kele jatqanyn atap ótti.