توقاەۆ الماتى قالاسىنىڭ اكىمى ەربولات دوساەۆتى قابىلدادى

ەربولات دوساەۆ الماتىنىڭ بيىلعى قاڭتار-ءساۋىر ايلارىنداعى الەۋمەتتىك-ەكونوميكالىق دامۋىنىڭ الدىن الا قورىتىندىسى جونىندە ەسەپ بەردى.

«وسى كەزەڭدە الماتى ەكونوميكاسىنىڭ نەگىزگى سالالارىنداعى ءوسىم قارقىنى جوعارى بولعانى تۋرالى باياندادى. اتاپ ايتقاندا, كولىك قىزمەتىنىڭ كولەمى 17,5 پايىزعا, قۇرىلىس 5,7 پايىزعا جانە بايلانىس باعىتى 4,4 پايىزعا وسكەن. مەگاپوليس ەكونوميكاسىنا 360 ميلليارد تەڭگە جەكە ينۆەستيتسيا تارتىلعان. ءوسىم 5,8 پايىزدى قۇراعان; بيىل ءساۋىر ايىندا الماتىداعى جىلدىق ينفلياتسيا 9,1 پايىزعا دەيىن باسەڭدەگەنى جايىندا مالىمەت بەردى. جىل باسىنان بەرى 19,5 مىڭ جۇمىس ورنى اشىلعان. بۇل جۇمىسسىزدىق دەڭگەيىن 4,7 پايىزعا دەيىن تومەندەتۋگە مۇمكىندىك بەرگەن», – دەدى دوساەۆ. ونىڭ سوزىنشە, شاھارداعى كەيبىر اۋدانداردى سۋمەن تۇراقتى قامتاماسىز ەتۋ ءۇشىن قابىلدانىپ جاتقان شارالار تۋرالى ايتتى.

بيىل اقپان ايىندا قالانىڭ جوعارعى بولىگىن سۋمەن قامتۋ جونىندەگى رەزەرۆ سحەماسىن جاساۋ جۇمىستارى باستالعان. قۇرىلىستى وسى جىلدىڭ 1 شىلدەسىنە دەيىن اياقتاۋ جوسپارلانىپ وتىر. ال «بالقاش» تازا سۋ رەزەرۆۋارى پايدالانۋعا بەرىلىپ, «يۋبيلەينىي», «كامەنسكوە پلاتو» جانە باسقا دا اۋداندارعا سۋ جەتكىزىلە باستاعان.

الماتىنىڭ كولىك قۇرىلىمىن قالىپتاستىرۋ اياسىندا قولعا الىنعان جوبالار توپتاماسىنىڭ جۇزەگە اسىرىلۋ بارىسى تۋرالى باياندادى. قاسىم-جومارت توقاەۆ الماتى ەكونوميكاسىن ءارتاراپتاندىرۋ ءۇشىن ينۆەستيتسيا تارتۋ, باعا تۇراقتىلىعىن قامتاماسىز ەتۋ جانە ينفلياتسيا مولشەرىن ودان ءارى تومەندەتۋ جۇمىستارىن جالعاستىرۋدى تاپسىردى. سونداي-اق قالانى سۋمەن قامتۋ ماسەلەسىن ايرىقشا باقىلاۋدا ۇستاۋ قاجەت ەكەنىن ايتتى.