Toqaev BAÁ Prezıdentimen kezdesti

Foto: Aqorda

Qazaqstan Prezıdenti Qasym-Jomart Toqaev Qasr Al Shatie saraıynda Birikken Arab Ámirlikteriniń Prezıdenti sheıh Muhammed ben Zaıd Ál Nahaıanmen kezdesti, dep jazdy qandastar.kz

Memleket basshysy kórsetken syı-qurmeti men qonaqjaılyǵy úshin BAÁ Prezıdentine rızashylyǵyn jetkizip, «Abý Dabıdiń ornyqty damý aptalyǵynyń» sátti ótýine tilektestik bildirdi.

Qasym-Jomart Toqaev 2023 jyly sheıh Muhammed ben Zaıd Ál Nahaıanmen Abý Dabıde jáne Dýbaıda ótken kezdesýlerdi yqylaspen eske alyp, kelissózder nátıjesi ekijaqty qatynastarǵa tyń serpin bergenine ári yqpaldastyqtyń jańa baǵyttaryna jol ashqanyna nazar aýdardy.

– BAÁ – bizdiń arab álemindegi basty seriktesimiz. Elderimizdiń ıgiligi úshin ekijaqty jáne kópjaqty baılanystardyń barlyq baǵyty boıynsha tyǵyz yntymaqtastyq qurýǵa nıettimiz. Men dostyq, ózara senim men qurmetke negizdelgen strategııalyq seriktestigimizdi nyǵaıtýǵa Sizdiń qosqan úlesińizdi joǵary baǵalaımyn. Asa Mártebeli Prezıdent myrza, Sizdi óz elimde qushaq jaıa qarsy alýǵa daıynmyn. Qazaqstanǵa jasaıtyn saparyńyz ekijaqty yntymaqtastyqty nyǵaıtýdyń jańa kezeńine bastaý bolatynyna senimdimin, – dedi Memleket basshysy.

Prezıdent búginde BAÁ elimizdiń ekonomıkasyna qarjy quıǵan on iri sheteldik ınvestordyń qataryna kiretinin atap ótti.

– Byltyr BAÁ-den kelgen tikeleı ınvestıııa kólemi eki esege ulǵaıdy. Abý Dabıdegi kezdesý barysynda biz taýar aınalymyn 1 mıllıard dollarǵa jetkizemiz dep maqsat qoıdyq. Eki el úkimetteri saýda-sattyqtyń oń qarqynyn qalyptastyrý úshin naqty ekonomıkalyq kún tártibine mán bergeni jón. Strategııalyq ınvestıııalyq jobalardy qurý týraly birlesken deklaraııany júzege asyrýǵa Sizdiń tarapyńyzdan qoldaý kórsetiledi dep senemiz. Bul qujat aıasynda Ámirlikterdiń kompanııalarymen kólik-logıstıka, energetıka, qarjy, týrızm jáne basqa da kóptegen salada belsendi yntymaqtastyq júrgizip kelemiz. Bul seriktestik elderimizdiń ósip-órkendeýine septigin tıgizedi, – dedi Qasym-Jomart Toqaev.

О́z kezeginde sheıh Muhammed ben Zaıd Ál Nahaıan «Abý Dabıdiń ornyqty damý aptalyǵy» sammıtine qatysýǵa kelgeni úshin Qasym-Jomart Toqaevqa alǵys aıtty. Sondaı-aq eki eldiń yntymaqtastyǵyn joǵary baǵalap, Qazaqstanmen aradaǵy saıası dıalog pen ekonomıkalyq baılanystardy odan ári keńeıtýdiń jáne buǵan deıin qol jetkizilgen ýaǵdalastyqtardy tolyq júzege asyrýdyń mańyzyna toqtaldy. BAÁ Prezıdenti Qazaqstan men Ámirlikter arasyndaǵy baılanys 2025 jyly ózara tıimdi yntymaqtastyqtyń jańa deńgeıine kóterilip, eki eldiń damýy men órkendeýine yqpal etetinine senim bildirdi. Ol halyqaralyq jáne aımaqtyq qaýipsizdik pen ornyqty damýdaǵy ózekti máselelerdi sheshýde Astananyń úlesi zor dep sanaıdy.