توقاەۆ ءبىر رەتتىك جەتى جىلدىق پرەزيدەنتتىك مەرزىم تۋرالى ايتتى

فوتو: halyq-uni.kz

باق قىزمەتكەرلەرىن ماراپاتتاۋ راسىمىندە ءسوز سويلەگەن پرەزيدەنت قاسىم-جومارت توقاەۆ ءبىر رەتتىك جەتى جىلدىق پرەزيدەنتتىك مەرزىم تۋرالى ايتتى, — دەپ حابارلايدى Tengrinews.kz تىلشىسى اقورداعا سىلتەمە جاساپ.

«وزدەرىڭىزگە ءمالىم, قازىر ەلىمىز دامۋدىڭ جاڭا ساتىسىنا قادام باستى. ءبىز سوڭعى 5 جىلدىڭ ىشىندە اۋقىمدى ساياسي رەفورمالاردى جۇزەگە اسىردىق. قازاقستاننىڭ ساياسي جۇيەسى تۇبەگەيلى وزگەردى. پارلامەنتتىڭ ىقپالى, ۇكىمەتتىڭ جاۋاپكەرشىلىگى ايتارلىقتاي ارتتى. بيلىك تارماقتارى اراسىنداعى تەپە-تەڭدىك ورنىعا ءتۇستى. ساياسي پارتيالاردىڭ قوعامدىق ءرولى كۇشەيدى. ازاماتتارىمىز ءوز وي-پىكىرلەرىن اشىق ايتىپ, قوعامدا بەلسەندى بولۋىنا مۇمكىندىك بەرەتىن ناقتى تەتىكتەر پايدا بولدى. سايلاۋ جۇيەسىن جەتىلدىردىك. اۋىل, اۋدان اكىمدەرى تىكەلەي سايلانا باستادى. ءبىر سوزبەن, ساياسي جانە قوعامدىق مادەنيەت ۇلكەن وزگەرىسكە ۇشىرادى.

ەڭ ماڭىزدى باستامانىڭ ءبىرى – پرەزيدەنت جەتى جىلدىق مەرزىمگە ءبىر رەت قانا سايلاناتىن بولدى. وسى شەشىمنىڭ ساياسي ءمان-ماعىناسى ەرەكشە, بۇل – مەملەكەت باسقارۋ ىسىندە جاڭا ستاندارت قالىپتاستىراتىن ماڭىزدى قادام. رەفورمالار, وزگەرىستەر ءالى دە جالعاسا بەرەدى. ەڭ باستىسى, بۇل وزگەرىستەر – حالىقتىڭ تاڭداۋى.

سوندىقتان ءبىز ەشقاشان كەرى قايتپايمىز, تەك العا قاراي جۇرەمىز. ءبىز ەكونوميكالىق دامۋدىڭ ناقتى باعىتىن ايقىندادىق. ءبىر سوزبەن, وزىق ەل بولۋ ءۇشىن اۋقىمدى جۇمىستى قولعا الدىق», — دەدى مەملەكەت باسشىسى.