توقاەۆ بيىل دا تۋعان كۇنىن تويلامايدى

فوتو: Akorda.kz

پرەزيدەنتتىڭ ءباسپاسوز قىزمەتى مەملەكەت باسشىسى قاسىم-جومارت توقاەۆتىڭ تۋعان كۇنىنە بايلانىستى مالىمدەمە جاسادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

رەسمي مالىمدەمەدە پرەزيدەنت تۋعان كۇنىن اتاپ وتپەيتىنى ايتىلعان.

«مەملەكەت باسشىسى قاسىم-جومارت توقاەۆتىڭ تۋعان كۇنىنە بايلانىستى مەرەكەلىك ءىس-شارالار جوسپارلانباعان. پرەزيدەنت بۇل داتانى اتاپ وتپەيدى», – دەلىنگەن حابارلامادا.

ەسكە سالساق, بۇعان دەيىن پرەزيدەنتتىڭ تۋعان كۇنىنە بايلانىستى ەشقانداي ءىس-شارا وتكەن ەمەس. توقاەۆ پرەزيدەنت اكىمشىلىگى قىزمەتكەرلەرىنەن دە تۋعان كۇنىمەن قۇتتىقتاماۋىن سۇراعان. پرەزيدەنتتىڭ بۇرىنعى ءباسپاسوز حاتشىسى بەرىك ءۋالي توقاەۆتىڭ ۇستانىمى وسىنداي ەكەنىن, ونىڭ وتباسىندا بالالاردىڭ دا, اتا-اناسىنىڭ دا تۋعان كۇنىن تويلاۋ ادەتكە اينالماعانىن ايتقان ەدى.