Toqaev bıyl da týǵan kúnin toılamaıdy

Foto: Akorda.kz

Prezıdenttiń baspasóz qyzmeti memleket basshysy Qasym-Jomart Toqaevtyń týǵan kúnine baılanysty málimdeme jasady, dep jazdy qandastar.kz

Bul týraly Stan.kz aqparat agenttigi habarlaıdy.

Resmı málimdemede prezıdent týǵan kúnin atap ótpeıtini aıtylǵan.

«Memleket basshysy Qasym-Jomart Toqaevtyń týǵan kúnine baılanysty merekelik is-sharalar josparlanbaǵan. Prezıdent bul datany atap ótpeıdi», – delingen habarlamada.

Eske salsaq, buǵan deıin prezıdenttiń týǵan kúnine baılanysty eshqandaı is-shara ótken emes. Toqaev Prezıdent ákimshiligi qyzmetkerlerinen de týǵan kúnimen quttyqtamaýyn suraǵan. Prezıdenttiń burynǵy baspasóz hatshysy Berik Ýálı Toqaevtyń ustanymy osyndaı ekenin, onyń otbasynda balalardyń da, ata-anasynyń da týǵan kúnin toılaý ádetke aınalmaǵanyn aıtqan edi.