توقاەۆ «قازاقستان – گەرمانيا» بيزنەس فورۋمىندا ءسوز سويلەدى

فوتو: اقوردا

قاسىم-جومارت توقاەۆ «قازاقستان – گەرمانيا» بيزنەس فورۋمىندا ءسوز سويلەدى.

“نەمىس ءونىمى ءوزىنىڭ ەرەكشە ساپاسىمەن جانە سەنىمدىلىگىمەن بارشاعا ءمالىم. ءبىز جالپى قۇنى 55 ملرد دوللار بولاتىن 66 بىرلەسكەن ينۆەستيتسيالىق جوبا بويىنشا ۋاعدالاستىققا قول جەتكىزدىك. گەرمانيا كاسىپورىندارى ەلىمىزگە كوبىرەك كەلىپ, «قازاقستاندا نەمىس ساپاسىنا ساي جاسالعان» دەگەن ورتاق برەند اياسىندا جەرگىلىكتى ءوندىرىستى جولعا قويادى دەپ ۇمىتتەنەمىز”, – دەدى پرەزيدەنت.

قاسىم-جومارت توقاەۆ ءوزارا ىنتىماقتاستىقتىڭ بىرقاتار پەرسپەكتيۆتى باعىتىنا توقتالدى.

 «اسا ماڭىزدى شيكىزاتتى ينۆەستيتسيا مەن تەحنولوگياعا ايىرباستاۋ» پراگماتيكالىق فورمۋلاسىنا ساي تابيعي رەسۋرستاردى ءوندىرۋ جانە وڭدەۋ ءىسىن دامىتۋدى ۇسىنامىز. بىزدە ءالى بارلانباعان بەس مىڭنان استام كەن ورنى بار. بۇل كەنىشتەردىڭ قۇنى تريلليونداعان دوللارعا باعالانادى”, – دەدى پرەزيدەنت.