توقاەۆ قازاقستاندىقتاردى رەسپۋبليكا كۇنىمەن قۇتتىقتادى

فوتو: اقوردا

25 قازاندا پرەزيدەنت قاسىم-جومارت توقاەۆ قازاقستان تۇرعىندارىن رەسپۋبليكا كۇنىمەن قۇتتىقتادى. بۇل تۋرالى qandastar.kz.kz اقپارات اگەنتتىگى حابارلايدى.

پرەزيدەنتتىڭ ايتۋىنشا, بۇل ەگەمەندى ەل ەكەنىن ايگىلەيتىن ۇلىق مەيرام – سان عاسىرلىق تاريحى بار مەملەكەتتىلىگىمىزدىڭ قايتا جاڭعىرۋىنىڭ سيمۆولى. رەسپۋبليكا كۇنى  حالقىمىزدى مىزعىماس قۇندىلىقتار توڭىرەگىنە توعىستىرىپ, جالپىۇلتتىق بىرەگەيلىگىمىزدى نىعايتا تۇسۋگە ىقپال ەتەدى دەدى.

ء“بىز بەرەكەلى بىرلىك پەن ىرىستى ىنتىماقتىڭ ارقاسىندا اسا كۇردەلى سىن-قاتەرلەردى ەڭسەرىپ, اۋقىمدى وزگەرىستەردى جۇزەگە اسىرىپ كەلەمىز. قوعامداعى زاڭ مەن ءتارتىپ, ازاماتتاردىڭ ەڭبەكقورلىعى مەن كاسىبي بىلىكتىلىگى قازىرگى رەفورمالاردىڭ بەرىك تىرەگىنە ءارى قوزعاۋشى كۇشىنە اينالدى”, – دەپ مالىمدەدى پرەزيدەنت.

سوزىنشە, قازاقستان بولاشاق ۇرپاقتاردىڭ يگىلىگى ءۇشىن بىرتىندەپ العا ۇمتىلىپ, ادىلەتتى قوعام قۇرىپ جاتىر.

«ەلىمىزدىڭ ەرتەڭى قانداي بولاتىنى ءاربىر وتانداسىمىزعا بايلانىستى ەكەنى انىق. ازاماتتارىمىز وسى قاستەرلى جاۋاپكەرشىلىكتى تەرەڭ ءتۇسىنىپ, مەملەكەتتىگىمىزدى نىعايتۋعا ءوز ۇلەسىن قوسادى دەپ سەنەمىن. سىزدەرگە زور دەنساۋلىق, تولايىم تابىس جانە باق-بەرەكە تىلەيمىن!», – دەدى قاسىم-جومارت توقاەۆ.