Toqaev qazaqstandyqtardy Respýblıka kúnimen quttyqtady

Foto: Aqorda

25 qazanda prezıdent Qasym-Jomart Toqaev Qazaqstan turǵyndaryn Respýblıka kúnimen quttyqtady. Bul týraly qandastar.kz.kz aqparat agenttigi habarlaıdy.

Prezıdenttiń aıtýynsha, bul egemendi el ekenin áıgileıtin ulyq meıram – san ǵasyrlyq tarıhy bar memlekettiligimizdiń qaıta jańǵyrýynyń sımvoly. Respýblıka kúni  halqymyzdy myzǵymas qundylyqtar tóńiregine toǵystyryp, jalpyulttyq biregeıligimizdi nyǵaıta túsýge yqpal etedi dedi.

“Biz berekeli birlik pen yrysty yntymaqtyń arqasynda asa kúrdeli syn-qaterlerdi eńserip, aýqymdy ózgeristerdi júzege asyryp kelemiz. Qoǵamdaǵy zań men tártip, azamattardyń eńbekqorlyǵy men kásibı biliktiligi qazirgi reformalardyń berik tiregine ári qozǵaýshy kúshine aınaldy”, – dep málimdedi prezıdent.

Sózinshe, Qazaqstan bolashaq urpaqtardyń ıgiligi úshin birtindep alǵa umtylyp, ádiletti qoǵam quryp jatyr.

«Elimizdiń erteńi qandaı bolatyny árbir otandasymyzǵa baılanysty ekeni anyq. Azamattarymyz osy qasterli jaýapkershilikti tereń túsinip, memlekettigimizdi nyǵaıtýǵa óz úlesin qosady dep senemin. Sizderge zor densaýlyq, tolaıym tabys jáne baq-bereke tileımin!», – dedi Qasym-Jomart Toqaev.