Toqaev kez kelgen qaqtyǵysty sheshýdiń jalǵyz joly baryn aıtty

Túrki memleketteri uıymynyń beıresmı sammıtinde el Prezıdenti Qasym-Jomart Toqaev kez kelgen qaqtyǵystar men qaıshylyqtardy sheshýdiń jalǵyz joly bar ekenin aıtty, dep habarlaıdy qandastar.kz. 

Memleket basshysy jahandyq qaýipsizdik pen turaqtylyqty qamtamasyz etý elimizdiń syrtqy saıasatyndaǵy negizgi basymdyqtyń biri ekenine toqtalyp, túrki halyqtarynyń árdaıym yntymaqta bolýy kerek ekenin aıtty.

«Bizdiń kúsh-qýatymyz – birlikte. Jalpy, kez kelgen qaqtyǵys pen qaıshylyqty sheshýdiń jalǵyz joly bar. Ol – syndarly dıalog. Osy oraıda tóraǵalyǵymyzdyń aıasynda «Medıaııaǵa» erekshe mán berip otyrmyz. Men Ázerbaıjan men Armenııa elderi arasyndaǵy beıbitshilik ornatýǵa baǵyttalǵan oń úrdisti erekshe atap ótkim keledi. Biz tatýlyqqa bastaıtyn qadamdardy barynsha quptaımyz. Baký men Erevan arasynda beıbit kelissózder júrgizý úshin óz alańymyzdy usynýǵa árdaıym daıynbyz», – dedi Qasym-Jomart Toqaev.