Toqaev Kıevte jýrnalıst Sadyqovqa jasalǵan shabýylǵa qatysty pikir bildirdi

Qasym-Jomart Toqaev Kıevte Qazaqstan jýrnalısine jasalǵan qastandyq áreketke qatysty pikir bildirdi,-dep habarlaıdy Qandastar.kz

«Elimizde Zań ústemdigin nyǵaıtyp jatyrmyz, ıaǵnı barlyq salada, eń aldymen, Zań ústemdigin qamtamasyz etý – basty mindet. Bul másele boıynsha meniń kózqarasym – aıqyn. Muny ózderińiz de jaqsy bilesizder. Qazaqstanda Zań men tártip bárinen bıik turýǵa tıis. Sondyqtan qoǵamdaǵy barlyq qarama-qaıshylyqtar men kelispeýshilikterdi tek qana quqyqtyq turǵydan, ıaǵnı tıisti Zańnamaǵa jáne negizgi halyqaralyq normalarǵa sáıkes sheshý qajet. Keshe Qazaqstan azamaty Aıdos Sadyqovqa qatysty Kıevte bolǵan qylmysqa da dál osy ustanym turǵysynan qaraǵan jón.

Men dıplomatııalyq arnalar men quqyq qorǵaý organdary arqyly osy oqys oqıǵa boıynsha resmı suratýlar jiberý týraly naqty tapsyrma berdim. Sondaı-aq qajet bolǵan jaǵdaıda Qazaqstannyń resmı organdary istiń aqıqatyna jetýge járdem berý úshin tergeý jumysyna qatysýǵa daıyn ekenin aıtqym keledi», – dedi Prezıdent.

18 maýsymda BAQ Kıevte Aıdos Sadyqovqa qastandyq jasalǵanyn habarlady. Ýkraına Ulttyq polıııasynyń málimetinshe, belgisiz bireý Iarmola kóshesinde turaqta turǵan kólikke jaqyndap, ishinde otyrǵan er adamǵa oq atqan, sodan keıin qashyp ketken. Jábirlenýshiniń qasynda otyrǵan áıel zardap shekken joq.

Zardap shegýshi medıınalyq mekemege jatqyzyldy. Kıev polıııasy adam óltirýge oqtalý deregi boıynsha qylmystyq is qozǵaǵan.