جاڭالىقتار
توقاەۆ قىتايعا 1,5 مىڭ اقبوكەندى سىيعا تارتتى
فوتو: iStock
قازاقستان 1,5 مىڭ اقبوكەندى قىتايعا سىيلايتىن بولدى. سول ارقىلى قىتايدا ولاردىڭ پوپۋلياتسياسىن قالپىنا كەلتىرۋ كوزدەلىپ وتىر, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
اقوردانىڭ مالىمەتىنشە, قاسىم-جومارت توقاەۆ اقبوكەندەردى قىتايدىڭ باتىس بولىگىنە جىبەرۋ شەشىمىن قابىلداعان.
“پرەزيدەنت كورشى ەلدەگى اقبوكەندەردىڭ سانىن قالپىنا كەلتىرۋ ماقساتىندا قىتاي ۇكىمەتىنە 1 500 باس سايعاق سىيعا تارتۋ تۋرالى شەشىم قابىلداعانىن مالىمدەدى. ءوز كەزەگىندە قىتاي حالىق رەسپۋبليكاسىنىڭ توراعاسى سي تسزينپين بۇل شەشىم ءۇشىن قاسىم-جومارت توقاەۆقا العىسىن ءبىلدىردى. سەبەبى قىتاي سايعاق پوپۋلياتسياسىن قالپىنا كەلتىرۋدى جوسپارلاپ وتىر, – دەلىنگەن حابارلامادا.
ەسكە سالا كەتەيىك, قىتاي حالىق رەسپۋبليكاسىنىڭ توراعاسى سي تسزينپين قازاقستانعا رەسمي ساپارمەن كەلدى. ال ەلىمىزدە اقبوكەندەر سانى 4 ميلليوننان اسقانى تۋرالى حابارلاعان ەدىك. ولار شارۋالاردىڭ القاپتارىن تاپتاپ شىعىن كەلتىرىپ جاتىر.
