الەم جاڭالىقتارىجاڭالىقتار
توقاەۆ پەن ترامپتىڭ ساياساتىندا قانداي ۇقساستىق بار?
فوتو: kz.kursiv.media
اقش-تىڭ 47-پرەزيدەنتى دونالد ترامپ ۇلىقتاۋ راسىمىندە «التىن عاسىر» ورناتاتىنىن ايتتى. قالىڭ قاراشاعا ۋادە ەتكەن جارلىقتارعا قول قوياتىنىن دا جەتكىزدى. ترامپتىڭ تاباندىلىعى الەمدەگى ىقپالدى ساياساتكەرلەردىڭ سان ءتۇرلى سىبىسىندا ءجۇر. قازاقستاندىق پوليتولوگتار دا ءۇنسىز ەمەس. ماسەلەن, مارات شيبۋتوۆتىڭ اۆتورلىق «كازاحستان ي ۆسە-ۆسە-ۆسە»» ارناسىندا مىناداي جازبا قالدىرىلعان, دەپ جازادى qandastar.kz
«ترامپ زاڭ مەن ءتارتىپتى قالپىنا كەلتىرىپ, امەريكالىقتاردىڭ قاۋىپسىزدىگىن قامتاماسىز ەتۋگە ۋادە بەردى.
ول ناركوكارتەلدەردى تەرروريستىك ۇيىم رەتىندە تانيتىنىن جانە ولاردىڭ ءىس-ارەكەتىنە توسقاۋىل قويۋ ءۇشىن ارميانى شەكاراعا جىبەرەتىنىن مالىمدەدى. تاعى دا تىنىشتىق تۋراسىندا تۇرتكەن تۇستارى جەتەرلىك. باستىسى, ولار بارلىعىنا ۇلگى كورسەتىپ وتىر» دەلىنگەن جازبادا.
بۇل رەتتە اۆتور ەلىمىزدەگى ەرەكشەلىكتەردى اتتاپ وتپەگەن. پرەزيدەنت توقاەۆتىڭ ساياساتى, ەلدەگى ءتارتىپ پەن زاڭعا باسىمدىق بەرۋ ماسەلەلەرى ايتقان.
«بۇرىن بارلىعى ازات بولۋ, تاۋەلسىز ەل بولۋ جايلى كوپ تولعاندى. بىراق بۇعان زاڭ مەن ءتارتىپسىز قول جەتكىزۋ مۇمكىن ەمەستىگىنە كوپتىڭ كوزى جەتتى. سەبەبى حاوس ادامدى تىرىدەي جۇتادى جانە ەلدىڭ ەل بولىپ قالىپتاسۋىنا كەدەرگى. بىراق بۇل شىندىققا تۋرا قاراۋدى ۇمىتىپ كەتىپ جاتامىز.
ەلىمىز شاعىن, وزگەرىسكە بەيىم. پرەزيدەنت توقاەۆ بيلىككە كەلگەلى دە مەملەكەتتىڭ باستى كاپيتالى – ادام, سول ءۇشىن زاڭ ۇستەم بولۋى تيىستىگىن العا تارتتى», – دەپ تۇيىندەگەن ويىن اۆتور.
