Toqaev pen Tramptyń saıasatynda qandaı uqsastyq bar?

Foto: kz.kursiv.media

AQSh-tyń 47-prezıdenti Donald Tramp ulyqtaý rásiminde «altyn ǵasyr» ornatatynyn aıtty. Qalyń qarashaǵa ýáde etken jarlyqtarǵa qol qoıatynyn da jetkizdi. Tramptyń tabandylyǵy álemdegi yqpaldy saıasatkerlerdiń san túrli sybysynda júr. Qazaqstandyq polıtologtar da únsiz emes. Máselen, Marat Shıbýtovtyń avtorlyq «Kazahstan ı vse-vse-vse»» arnasynda mynadaı jazba qaldyrylǵan, dep jazady qandastar.kz

«Tramp zań men tártipti qalpyna keltirip, amerıkalyqtardyń qaýipsizdigin qamtamasyz etýge ýáde berdi.

Ol narkokartelderdi terrorıstik uıym retinde tanıtynyn jáne olardyń is-áreketine tosqaýyl qoıý úshin armııany shekaraǵa jiberetinin málimdedi. Taǵy da tynyshtyq týrasynda túrtken tustary jeterlik. Bastysy, olar barlyǵyna úlgi kórsetip otyr» delingen  jazbada.

Bul rette avtor elimizdegi erekshelikterdi attap ótpegen. Prezıdent Toqaevtyń saıasaty, eldegi tártip pen zańǵa basymdyq berý máseleleri aıtqan.

«Buryn barlyǵy azat bolý, táýelsiz el bolý jaıly kóp tolǵandy. Biraq buǵan zań men tártipsiz qol jetkizý múmkin emestigine kóptiń kózi jetti. Sebebi haos adamdy tirideı jutady jáne eldiń el bolyp qalyptasýyna kedergi. Biraq bul shyndyqqa týra qaraýdy umytyp ketip jatamyz.

Elimiz shaǵyn, ózgeriske beıim. Prezıdent Toqaev bılikke kelgeli de memlekettiń basty kapıtaly – adam, sol úshin zań ústem bolýy tıistigin alǵa tartty», – dep túıindegen oıyn avtor.