Álem jańalyqtary
Toqaev Pýtındi Qazaqstanǵa memlekettik saparmen kelýge shaqyrdy
Foto: mail.kz
Memleket basshysy Qasym-Jomart Toqaev Reseı Prezıdenti Vladımır Pýtınmen kezdesý ótkizdi. Áńgime barysynda Memleket basshysy ShYU sammıtine qatysýǵa kelgeni úshin Vladımır Pýtınge rızashylyǵyn bildirdi. Sondaı-aq Reseıdiń «shanhaı rýhyn» nyǵaıtý isine jáne uıymǵa múshe eldermen kópjaqty yntymaqtastyqty damytýǵa aıtarlyqtaı úles qosqanyn atap ótti.
— Shanhaı yntymaqtastyq uıymyna tóraǵalyq etý — óte mártebeli ári jaýapty mıssııa. Erteń bizdiń tóraǵalyǵymyz aıasynda atqarylǵan jumystar týraly baıandaımyn. Uıymnyń ózinde reforma júrgizilip jatyr. Áıtse de bul ońaı sharýa emes. ShYU halyqaralyq arenada laıyqty bedelge ıe boldy. Meniń oıymsha, bul — eń tabysty halyqaralyq uıymdardyń biri. Sonymen qatar bul — demokratııalyq sıpattaǵy uıym, ıaǵnı barlyq memlekettiń teńdik qaǵıdaty saqtalady. Árıne, Shanhaı yntymaqtastyq uıymynyń áleýetin nyǵaıtýǵa Reseıdiń qosqan eleýli úlesin atap ótpeske bolmaıdy. Osy oraıda tóraǵa quqyǵyn paıdalanyp, Sizge alǵys aıtqym keledi, — dedi Prezıdent.
Memleket basshysy strategııalyq seriktestik pen odaqtastyqqa negizdelgen qazaq-reseı qatynastarynyń qazirgi jaı-kúıi men damý perspektıvasy jóninde aıtty.
Qasym-Jomart Toqaev Vladımır Pýtınniń Qazaqstanǵa byltyr qarasha aıynda jasaǵan tarıhı saparynan keıin ekijaqty yntymaqtastyq qarqyndy damyp kele jatqanyna nazar aýdardy.
— Buǵan deıin qol jetkizilgen ýaǵdalastyqtardyń júzege asyrylý barysyn óz baqylaýymda ustap otyrmyn. Sizdiń saparyńyz kezinde kelisilgen jobalardyń mańyzy zor jáne elderimizdiń ózara yqpaldastyǵynyń strategııalyq sıpatymen ushtasady. Sondyqtan olardyń júzege asatynyna esh kúmánim joq. О́ıtkeni bul jobalar Qazaqstan men Reseı Federaııasynyń múddesine saı keledi, — dedi Memleket basshysy.
Qasym-Jomart Toqaev Vladımır Pýtındi bıyl kúzde elimizge taǵy da memlekettik saparmen kelýge, sonymen birge UQShU Ujymdyq qaýipsizdik keńesiniń otyrysyna qatysýǵa shaqyrdy.
Vladımır Pýtın ShYU sammıtine qatysýǵa shaqyrǵany úshin Qasym-Jomart Toqaevqa alǵys aıtyp, Qazaqstan osy mańyzdy is-sharanyń daıyndyǵyna aıtarlyqtaı kúsh salǵanyn jetkizdi.
— Sammıt, shyn máninde, mazmuny jaǵynan halyqaralyq sıpatqa ıe. Elderimizdiń birqatar halyqaralyq uıymǵa tóraǵalyq etip otyrǵanyn atap ótkim keledi. Qazaqstan ShYU men UQShU-ǵa, al Reseı BRIKS pen TMD-ǵa tóraǵa bolyp otyr. Sondyqtan bir-birimizdi qoldap, kómektesemiz. Qazaqstanǵa memlekettik saparmen kelýge shaqyrǵanyńyz úshin alǵys aıtamyn. Álbette, muny UQShU sammıtine oraılastyrǵan tıimdirek bolar edi. Ekijaqty qarym-qatynasymyzǵa keler bolsaq, sizdermen únemi baılanystamyz. Elderimiz arasyndaǵy taýar aınalymy artyp, shamamen 30 mıllıard dollarǵa jetti. Bul — óte jaqsy kórsetkish. Reseı Qazaqstannyń negizgi saýda-ekonomıkalyq seriktesteriniń biri bolyp qala beredi, — dedi Reseı Prezıdenti.
Kezdesýde prezıdentter ónerkásiptik kooperaııany, energetıka salasyndaǵy ózara tıimdi seriktestikti damytý jáne óńiraralyq baılanystardy jandandyrý perspektıvalaryn jan-jaqty talqylady. Taraptar ekijaqty jáne kópjaqty formattaǵy turaqty saıası dıalogti saqtaýǵa ózara nıetti ekenin rastady.
Eske sala keteıik, keshe Reseı Prezıdenti Vladımır Pýtın ShYU sammıtine qatysý úshin Qazaqstanǵa kelgen bolatyn.
Ol búgin elordada birneshe eldiń prezıdentimen kelissóz júrgizdi.
Túrik prezıdenti Rejep Taııp Erdoǵan Vladımır Pýtındi jaqyn arada Túrkııaǵa saparlap kelýge shaqyrdy.
