توقاەۆ ترامپقا جاسالعان قاستاندىقتى قاتاڭ ايىپتادى

مەملەكەت باسشىسى اقش-تىڭ بۇرىنعى پرەزيدەنتى دونالد ترامپقا جاسالعان قاستاندىقتى قاتاڭ ايىپتايتىنىن مالىمدەدى جانە ونىڭ تەزىرەك ساۋىعىپ كەتۋىنە تىلەكتەستىك ءبىلدىردى.

اقش-تىڭ بۇرىنعى پرەزيدەنتى دونالد ترامپقا قاستاندىق جاسالدى

پەنسيلۆانيا شتاتىندا ەل الدىندا سويلەپ تۇرعان كەزىندە وعان وق اتقان. وقيعا سەنبى كۇنى جەرگىلىكتى ۋاقىت بويىنشا ساعات 18:15-تە بولدى. (استانا ۋاقىتىمەن 04:15, جەكسەنبى). CNN مالىمەتىنشە, اقش-تىڭ قۇپيا قىزمەتى شابۋىل جاساعان سنايپەردى وقيعا ورنىندا اتىپ تاستادى. ارنايى قىزمەت وكىلدەرىنىڭ حابارلاۋىنشا, وقيعا سالدارىنان كەزدەسۋدىڭ ءبىر قاتىسۋشىسى كوز جۇمىپ, ەكەۋى جارالانعان. ترامپ وقيعادان كەيىن مالىمدەمە جاسادى.

«مۇنداي جاعداي ءبىزدىڭ ەلدە بولىپ جاتقانى تاڭقالارلىق. وق اتقان ادام ءولدى جانە ول تۋرالى مالىمەت جوق. وق وڭ جاق قۇلاعىمنىڭ جوعارعى جاعىن تەسىپ ءوتتى. مەن بىردەڭە دۇرىس ەمەس ەكەنىن بىردەن ءتۇسىندىم, ىسقىرىقتى ەستىدىم, وق اتىلدى جانە وقتىڭ تەرىنى جىرتىپ وتكەنىن بىردەن سەزدىم. قاتتى قان كەتتى. قۇداي امەريكانى ساقتاشى!»,-دەدى ترامپ.