Toqaev Trampqa jasalǵan qastandyqty qatań aıyptady

Memleket basshysy AQSh-tyń burynǵy Prezıdenti Donald Trampqa jasalǵan qastandyqty qatań aıyptaıtynyn málimdedi jáne onyń tezirek saýyǵyp ketýine tilektestik bildirdi.

AQSh-tyń burynǵy prezıdenti Donald Trampqa qastandyq jasaldy

Pensılvanııa shtatynda el aldynda sóılep turǵan kezinde oǵan oq atqan. Oqıǵa senbi kúni jergilikti ýaqyt boıynsha saǵat 18:15-te boldy. (Astana ýaqytymen 04:15, jeksenbi). CNN málimetinshe, AQSh-tyń Qupııa qyzmeti shabýyl jasaǵan snaıperdi oqıǵa ornynda atyp tastady. Arnaıy qyzmet ókilderiniń habarlaýynsha, oqıǵa saldarynan kezdesýdiń bir qatysýshysy kóz jumyp, ekeýi jaralanǵan. Tramp oqıǵadan keıin málimdeme jasady.

«Mundaı jaǵdaı bizdiń elde bolyp jatqany tańqalarlyq. Oq atqan adam óldi jáne ol týraly málimet joq. Oq oń jaq qulaǵymnyń joǵarǵy jaǵyn tesip ótti. Men birdeńe durys emes ekenin birden túsindim, ysqyryqty estidim, oq atyldy jáne oqtyń terini jyrtyp ótkenin birden sezdim. Qatty qan ketti. QUDAI AMERIKANY SAQTAShY!»,-dedi Tramp.