الەم جاڭالىقتارى
توقاەۆ تۋرالى شەتەلدەگى قۇپيا قۇجاتتار جەلىدە تاراپ كەتتى
كسرو تاراعاننان كەيىن 30 جىل وتكەن سوڭ, بريتان ۇلتتىق ارحيۆىندە قازاقستان پرەزيدەنتى قاسىم-جومارت توقاەۆقا قاتىستى قۇجاتتار قولجەتىمدى بولدى. ازىربايجاندىق تاريحشى دجەميل حاسانلي ولاردىڭ ۇزىندىلەرىن جاريالادى, دەپ حابارلايدى qandastar.kz
1994 جىلى توقاەۆ سىرتقى ىستەر ءمينيسترى بولىپ تاعايىندالعاندا, بريتان سىرتقى ىستەر مينيسترلىگى ونىڭ ءومىربايانىنا قاتىستى ارنايى انىقتاما ازىرلەگەن. قۇجاتتا ونىڭ ءبىلىمى, تىلدىك قابىلەتتەرى, سونداي-اق قىتاي مەن وڭتۇستىك-شىعىس ازيا ەلدەرىندەگى جۇمىس تاجىريبەسى تۋرالى مالىمەتتەر بەرىلگەن.
Alash.kz.جازعانداي, مينيسترلىك توقاەۆ تۋرالى وتە قىزىقتى انىقتامالار دايىنداپ, ونى جان-جاقتى مامان دەپ سيپاتتاعان. بريتاندىقتاردىڭ بولجامدارى ءدال شىقتى. بۇگىنگى تاڭدا توقاەۆ پوستكەڭەستىك ەلدەردىڭ جەمقورلىق پەن اۆتوريتارلىقتان زارداپ شەگەتىن كوشباسشىلارىنان ايرىقشا ەرەكشەلەنەدى.
قۇجاتتاردا سونداي-اق توقاەۆتىڭ اقش, كانادا, وزبەكستانعا بەلسەندى ساپارلارى, ارىپتەستەرىمەن قارىم-قاتىناس ورناتۋى جانە قىتايمەن شەكارالاس اۋماقتا ەركىن ەكونوميكالىق ايماقتار قۇرۋدى ۇسىنعانى جازىلعان.
