Jańalyqtar
Toqaev Ulttyq bankke júrgizip otyrǵan saıasatqa shuǵyl túrde túzetý engizýdi tapsyrdy
Qazaqstan prezıdenti Qasym-Jomart Toqaev júrgizilip otyrǵan saıasatqa shuǵyl túrde túzetý engizýdi tapsyrdy, dep habarlady seısenbi kúni memlenket basshysynyń baspasóz qyzmetinen.
«Ulttyq bank osy saıasatqa shuǵyl ózgeris engizýi tıis. Qarjy retteýshisiniń málimeti boıynsha, ekonomıkanyń ár sektorynyń 50 paıyzdan astamy – bankterdiń múddelerin kózdeıtin ornyqty ári qarjylaı táýelsiz kásiporyndar. Alaıda olar bank nesıelerin tartýǵa qulyqsyz. Nege? Múmkin kommerııalyq bankter belgileıtin sharttardy ol kásiporyndar tartymsyz dep sanaıtyn shyǵar. Qarjy sektorynyń turaqtylyǵyn qamtamasyz etý men naqty sektordy nesıeleýdi damytý týraly tańdaýdyń aldynda turǵan Ulttyq bank tıimdi sheshimder qabyldaýy kerek», – dedi Toqaev seısenbi kúni ekonomıkalyq máseleler jónindegi jıynda.
Memleket basshysy fıskaldy saıasat jóninde aıta kele, Ulttyq qordan bólinetin transfertterdi birtindep azaıtý qajet degen pikir bildirdi. Degenmen oǵan asa qajettilik týyndaǵan jaǵdaıda ǵana júginý kerek ekenin aıtty.
«Úkimet birinshi kezekte respýblıkalyq bıýdjettiń kiris bóligine nazar aýdarýy qajet. Ulttyq bank Ulttyq qordaǵy ınvestıııalyq tabystyń túsimin arttyrý maqsatynda qarajatty basqarý joldaryn qaıta qarastyrýǵa mindetti. Aktıvterdi durys basqarý Ulttyq qordyń kólemin aıtarlyqtaı arttyra alady», – dedi memleket basshysy.
Prezıdent 2030 jylǵa deıingi aqsha-kredıttik saıasat Strategııasyn jasaýdy tapsyrdy. Qasym-Jomart Toqaev Ulttyq bankti kommýnıkaııa men aqparattyq-túsindirý jumystaryn jaqsartýǵa shaqyrdy. Bul óz kezeginde naryqqa qatynasýshylar men turǵyndardyń senimin arttyryp, devalvaııa jaıyndaǵy daqpyrttardyń aldyn alady.
