Toqaev Ulttyq qordy tıimdi basqarý keregin aıtty

Foto: Aqorda

Toqaev Ulttyq qordy tıimdi basqarý kerek ekenin atap ótti.

“Qordyń qarajatyn, eń aldymen, memleket múddesi úshin, ıaǵnı elimizdiń strategııalyq maqsattaryn júzege asyrý úshin paıdalaný qajet. Ulttyq qor sheteldik qarjy ınstıtýttaryna qyzmet etpeýi kerek. Ulttyq qor – uzaq merzimge arnalǵan makroekonomıkalyq turaqtylyqty qamtamasyz etetin asa mańyzdy qural. Sondyqtan ony tıimdi basqarý qajet”, – deıdi prezıdent.

Toqaev bıýdjet qarajatyn strategııalyq mańyzy joq, asa shuǵyl emes sharýalarǵa ońdy-soldy shashýdy doǵarý keregin eskertti.

“Memleket qarjysynyń turaqtylyǵyn qamtamasyz etýdiń birden bir joly – kórpege qaraı kósilý. Bıýdjetaralyq qarym-qatynasty da retke keltirý qajet. Shaǵyn jáne orta bıznesten túsetin salyqty aımaqtardyń ózinde qaldyrý durys ári ýaqytyly qabyldanǵan sheshim boldy. Bul qadam kásipkerliktiń damýyna edáýir serpin berdi. Sonymen qatar ákimderdiń derbestigin arttyrdy. Alaıda keıbir ákimder qosymsha kiris kózine ıe bolǵan soń, ony elge paıdasyz iske shashyp, tıimsiz jumsaıtyn boldy. Asa mańyzdy emes mindetter men jobalarǵa qarjy bóle bastady. Úkimet bıýdjet tapshylyǵynyń ornyn toltyratyn qarjy kózin tabý úshin tıimdi kompensaııalyq tásilder oılastyrýy qajet”, – deıdi memleket basshysy.