Toqaev Japonııanyń Syrtqy ister mınıstrin qabyldady

Foto: Aqorda

Memleket basshysy Japonııanyń Syrtqy ister mınıstrin qabyldady, dep habarlaıdy qandastar.kz

Prezıdent Qasym-Jomart Toqaev pen mınıstr Takeshı Ivaıa saýda-ekonomıkalyq, ınvestıııalyq, kólik-tranzıt jáne mádenı-gýmanıtarlyq salalardaǵy qazaq-japon keńeıtilgen strategııalyq seriktestiginiń qazirgi jaı-kúıi men damý perspektıvasyn talqylady. Sondaı-aq halyqaralyq qurylymdar aıasyndaǵy yqpaldastyq jóninde pikir almasty.

Qasym-Jomart Toqaev Japonııa syrtqy saıasat vedomstvosynyń basshysyna iltıpat bildire otyryp, onyń Astanaǵa sapary eki el arasyndaǵy qarym-qatynasty arttyrýǵa tyń serpin beretinin atap ótti.

– Japonııa – Azııadaǵy senimdi ári jaqyn seriktesimiz. Biz Tokıomen jan-jaqty yntymaqtastyqty nyǵaıtýǵa erekshe mán beremiz. Premer-mınıstr Ishıbaǵa ystyq yqylasymdy jetkizýdi suraımyn. Premer-mınıstr Shıgerý Ishıba Qazaqstanǵa resmı saparmen kelmekshi. Biz onyń saparyn asyǵa kútip, daıyndalýdamyz. О́zara qarym-qatynasymyz joǵary qarqynmen damyp kele jatyr dep senimmen aıtýǵa bolady, – dedi Prezıdent.

Takeshı Ivaıa qonaqjaılyq tanytqany úshin Qazaqstan Prezıdentine rızashylyǵyn bildirdi.

– Sizdiń sálemińizdi Premer-mınıstrimizge mindetti túrde jetkizemiz. Qazaqstan men Japonııa – halyqaralyq tártipti kúsheıtýge múddeli strategııalyq seriktester. Meniń bul saparym eki el arasyndaǵy baılanysty odan ári damytýǵa jol ashady dep oılaımyn, – dedi Japonııa Syrtqy ister mınıstri.

Sonymen qatar Qasym-Jomart Toqaev pen Takeshı Ivaıa halyqaralyq jáne óńirlik kún tártibindegi ózekti máseleler jóninde áńgimelesti.