Toqaev «Jylý energetıkasy týraly» zańǵa qol qoıdy

Qujat alǵash ret jylýmen jabdyqtaý júıeleriniń sapaly jumys isteýi men damýy úshin jylý energııasyn óndirý, berý, ótkizý jáne tutyný proesinde týyndaıtyn qoǵamdyq qatynastardy derbes zań túrinde retteıdi.

Sonymen qatar jylý energetıkasy salasynyń sapaly jáne úzdiksiz jumys isteýin qamtamasyz etý úshin jańa tetikterdi engizý jáne qoldanystaǵysyn kúsheıtý jolymen retteý júıesi jańǵyrtyldy.

Jylý energetıkasy salasyndaǵy memlekettik retteýdiń maqsattary, mindetteri, qaǵıdattary aıqyndaldy.

Budan bólek, atalǵan sektordyń dáıekti jáne tıimdi damýyn qamtamasyz etý úshin ony ilgeriletýdiń josparlaý jáne jaı-kúıin baǵalaý tetikteri engizildi. Atap aıtqanda, Energetıka mınıstrligi jylý energetıkasynyń óńirler, sondaı-aq, óndiris, tasymaldaý, ótkizý, tutyný sektorlary boıynsha salalyq memlekettik organdar ázirlegen negizgi jáne maqsatty kórsetkishterdi bekitedi.

Jylýmen jabdyqtaý júıesi qurylymdalyp, jylýmen jabdyqtaıtyn sýbektiler men olardyń qyzmetterin tutynýshylardyń quqyqtary men mindetteri rettelgen.

Jylýmen jabdyqtaý júıeleri qýattylyǵyna jáne tutynýshylardyń qosymsha júktemesine qaraı ortalyqtandyrylǵan, jergilikti jáne jeke jylýmen jabdyqtaý júıeleri bolyp bólinedi.

Sektordyń ınvestıııalyq tartymdylyǵyn arttyrý úshin tarıftik retteý, energııa únemdeýdi qoldaý, jylý energetıkasynda jańartylatyn energııa kózderin paıdalaný tetikteri jańartyldy.

Jylýmen jabdyqtaýdyń senimdiligi men qaýipsizdigin qamtamasyz etý talaptary, jóndeý jumystaryn júrgizý jáne jylý energııasy kózderin paıdalanýdan shyǵarý sharttary belgilendi. Sonymen qatar jylytý maýsymyna daıyndyqty qamtamasyz etý talaptary kúsheıtildi.

Zańnyń mátini baspasózde jarııalanady.