جاڭالىقتار
توقاەۆتىڭ باس كۇزەتشىسى قازاقستان بوكس فەدەراتسياسىنىڭ قۇرمەتتى پرەزيدەنتى اتاندى
قازاقستان رەسپۋبليكاسىنىڭ مەملەكەتتىك كۇزەت قىزمەتى باستىعىنىڭ ورىنباسارى ءارى پرەزيدەنتتىڭ جەكە كۇزەت قىزمەتىنىڭ جەتەكشىسى رومان تورەحانوۆ قازاقستان بوكس فەدەراتسياسىنىڭ قۇرمەتتى پرەزيدەنتى بولىپ سايلاندى, دەپ حابارلايدى Qandastar.kz سايتى 1bol.kz-كە سىلتەمە جاساپ.
فەدەراتسيانىڭ كەزەكتەن تىس كونفەرەنتسياسى 19 تامىزدا ءوتتى. ۇيىم پرەزيدەنتى شاحمۇرات ءمۇتالىپتىڭ ۇسىنىسىمەن جاڭا قۇرمەتتى پرەزيدەنتتىڭ كانديداتۋراسى قابىلداندى.
بۇعان دەيىن بۇل قىزمەتتى كاسىپكەر كەڭەس راقىشەۆ اتقارعان ەدى. ەندى ونىڭ ورنىنا رومان تورەحانوۆ كەلدى.
رومان تورەحانوۆ 1982 جىلدىڭ 17 اقپانىندا دۇنيەگە كەلگەن. سپورت سالاسىندا ەڭبەك جولىن تۇركىستانداعى وليمپيادالىق رەزەرۆ مەكتەبىندە جاتتىقتىرۋشى رەتىندە باستاعان. كەيىن مەملەكەتتىك كۇزەت قىزمەتىندە ءتۇرلى وفيتسەرلىك جانە باسشىلىق لاۋازىمداردى اتقاردى. قازىرگى تاڭدا پرەزيدەنتتىڭ كۇزەت قىزمەتى باستىعىنىڭ ورىنباسارى بولىپ قىزمەت ەتەدى.
